A ranar 1 ga watan Afrilu, an ƙaddamar da taron wakilan mambobi karo na 8 na kwamitin fassara na ƙasar Sin.Mataimakin ministan hukumar kula da yaɗa labaru Bai Yansong da shugaban hukumar kula da ɗaɓ’i da harsunan waje Du Zhanyuan da shugaban kwamitin fassara karo na 7 na ƙasar Sin Zhou Mingwei da shugaban ƙawacen masu aikin fassara na ƙasa da ƙasa Kevin Kwak sun yi jawabin fatan alheri, inda aka zaɓi shugabannin hukumar sabon zaunannen kwamitin ƙungiyar. Du Zhanyuan ya zama shugaban kwamitin. Zaunannen mamban kwamitin jam’iyyar kwaminisancin jami’ar BFSU kuma mataimakin shugaban BFSU Sun Youzhong ya zama mataimakin shugaban kwamitin, farfesa Wang Kefei da Renwen na BFSU sun zama mambobin kwamitin.

A yayin taron, an karramawa lambobin yabo ga waɗanda suka yi fice da fitattun masu aikin fassara, da masu aikin fassara na ƙasashen waje. Farfesa Wang Jun na harshen Italy, da Wang Ruoxi na Turanci, da Li Yingnan na Rashanci, da Zhang Zailiang na Turanci, da Zhang Fang na Farasanci, da Hu Wenzhong na Turanci, da Han Ruixiang na jamusanci sun zama fitattun masu aikin fassara, BFSU ta zama jami’ar da ta yi fice a wannan fanni, kwamitin kula da aikin fassara ya zama kwamitin wanda ya yi fintinkau wajen yaƙi da cutar Covid-19.