Jami’ar koyon harsunan waje ta Beijing tana hanyar Xisanhuanbeilu a yankin Haidian da ke birnin Beijing, kuma jami’ar tana ƙarƙashin shugabancin ma’aikatar kula da ilmin ƙasar Sin, kuma tana ɗaya daga cikin jami’o’i ɗari da Sin za ta ƙoƙarta bunkasuwa a ƙarni na 21, sannan kuma tana ɗaya daga cikin jami’o’in da ke da manyan fannoni masu fiffiko a cikin shirin raya kyawawan jami’o’in da Sin ta gabatar a watan Mayu na shekarar 1998, kana tana ɗaya daga cikin fitattun jami’o’in da Sin take bunƙasuwa yanzu.

Jami’ar BFSU ita cejami’ar koyon harsunan waje ta farko da jam’iyyar kwaminis ta Sin ta kafa, kuma da ma, ita ce, sashin ƙungiyar koyon Rashanci na uku na jami’ar koyon ilmin soji da siyasa don yaƙi da mulkin mallakarJapan ta ƙasar Sin, wadda aka kafa a shekarar 1941, sannan kuma an bunƙasajami’arhar ta zama makarantar koyon harsunan waje ta Yan’an, kuma lokacin da aka kafa ta, tana ƙarƙashin shugabancin kwamitin tsakiyarjam’iyyar kwaminis ta ƙasar Sin. Bayan da aka kafa sabuwar ƙasar Sin, ma’aikatar kula da harkokin waje ta fara shugabantarmakarantar, a shekarar 1954, an canja sunanta zuwa kwalejin koyon harsunan waje na Beijing, a shekarar 1959 ne, aka haɗa ta da kwalejin koyon RashancinBeijing don ya zama sabon kwalejin koyon harsunan wajenBeijing. Bayan shekarar 1980, ma’aikatar kula da ilminSin ta shugabance takai tsaye, a shekarar 1994, an canja sunanta zuwaJami’arKoyonHarsunanWajenTa Beijing.

An amince da buɗe harsunan waje 101 a BFSU, inda kwalejin koyon harsunan Turai da na Asiya da Afrika sun kasance sansanonin nazarin harsunan da ba safai da aka yi amfani da su ba mafi girma aƙasar Sin, kuma sun kasance fannonin karatu na musamman da ma’aikatar ilmi ta amince da su karo na farko. Yanzu, a hannuɗaya, BFSU taƙoƙarta wajen raya fannonin karatu na koyon harsunan waje da adabinsu, a hannuɗayan kuma, aka daidaita bunƙasuwar sauran fannoni kamar adabi da dokoki, da tattalin arziki da harkokin gudanar da ayyuka da sauransu. Tun daga farko zuwa yanzu, an fara buɗe Rashanci, Turanci, Faransanci, Jamusanci, da harshen Spain, da na Poland, da na Czech, da harshen Romaniya, da Japananci, Larabci, da harshen Cambodiya, da na Laos, da harshen Sinhalese, da harshen Malaysiya, da na Sweden, da na Portugal, da na Hungary, da na Albaniya, da na Bulgariya, da harshen Swahili da na Burma, da harshen Indonesiya, da na Italiya, da na Croatiya, da na Serbiya, da harshen Hausa, da na Viemnam, da harshen Thailand, da na Turkiya da na Koriya, da na Slovakiya, da na Finland, da na Ukraine, da na Holland, da na Norway, da na Iceland, da na Danmark, da na Girka, da na Philippines da harshen Hindu, da Urdu, da Hebrew, da Persian, da harshen Sloveniya, da na Estoniya, da na Latviya da na Lithuaniya da harshen Irish, da na Malta da na Bangladesh, da harshen Kazak da Uzbek, Latin, Zulu, da Kyrgyz da Pushutu, da Sanskrit, da Pali da Amharic, da Nepal, da Somali, da Tamil, da Turkmen, da Catala da Yoruba, da harshen Mongoliya, da na Armeniya, da Malagasy, da harshen Georgia, da na Azerbaijan, da Afrikaans, da Macedonian da Tajik, da Setswana da Ndebele da Comorian, da Creole, da Shona, da Tigrinya, da Belarusian, da Maori, da Tangan, da Samoan, da Kurdish, da Bislama, da Dari, da Tetum, da Dhivehi, da Fijian, da Cook Islands Maori, da Kirundi, da Luxembourgish, da Kinyarwanda, da Niuean, da Tok Pisin, da Chewa, da Sesotho, da Sango, da Tamazight, da Javanese, da kuma Punjabi. Jami’a ta bi aƙidar Yan’an don ba da hidimomi gaƙasa. Yanzu, an riga an buɗe harsunan tafiyar da mulki na gwamnatoci ƙasashe 183 da suka kafa huldar diflomasiyya daƙasar Sin.

A cikin shekarun nan, jami’ar tanaƙoƙarta wajen yin kwaskwarima ga tsarin horar da ɗalibai, inda aka buɗe ofishin kula da littattafan koyarwa karo na farko a ƙasar Sin. Sannan kuma, an kafa kwalejin ƙungiyar ƙasashen duniya, da kwalejin nazarin ilmin koyarwa.A ƙarƙashin tsohon kwalejin nazarin nahiyar Asiya da ta Afrika, an kafa kwalejin nazarin Asiya, da kwalejin nazarin Afrika. Haka kuma, an buɗe cibiyar nazarin manyan harsunan ɗan Adam da fasahohin kwaikwayon ƙwalƙwalwa, don inganta ƙwarewar yaɗa labarun ƙasa daƙasa. Daɗin dadawa kuma, an kafa cibiyar nazarin fasara ta ƙasar da sauran hukumomi, kuma a ƙarƙashin manyan tsare-tsaren koyar da harsunan duniya da yaɗa al’adu da daidaita batuttuwan duniya, ta kafa ƙawacen jami’o’in harsunan wajen duniya, da gamayyar haɗin gwiwar nazarin ƙasashen duniya da shiyya-shiyya ta ƙasar Sin da ƙasashen duniya. 

Yanzu, akwai sansanonin nazari na ƙasar Sinda na ƙananan hukumomi 54 a BFSU,inda akwai muhimmin sansanin nazarin zamantakewar al’umma da al’adu na ma’aikatar ilmin Sin, da cibiyar nazarin harsunan waje da ilmin Sin, da cibiyar nazarin kimiyya da fasahar harsunan Sin, da sansanin nazarin littatafan koyarwar harsunan waje da sansanin nazarin ƙungiyoyin ƙasashen duniya da shiyya-shiyya, da sashen ƙirƙiro da sabbin abubuwa wajen yada labaru, da sansanin nazarinn haɗin gwiwar mabambantan ƙananan kabilun Sin da kwalejin nazarin shiyya-shiyya da daidaita manyan batuttuwan duniya, da sauran sansanonin horaswa na ƙasashe da shiyya-shiyya 4 na ma’aikatarkula da ilmin ƙasar Sin,wato cibiyar nazarin yankin tsakiya da gabashin Turai, da cibiyar nazarin Japan, da cibiyar nazarin Ingila, da cibiyar nazarin Canada, da ma ragowar cibiyoyi 37 na nazarin shiyya-shiyya daƙasashe da ma’aikatar kula da ilmi ta amince dakafasu. Haka kuma, tana da cibiyoyi 3 na nazarin musayar mutane da al’adu na ma’aikatar kula da ilmi taƙasar wato cibiyar nazarin musayar al’adu da mutane tsakaninƙasashen Sin da Indonesiya, da cibiyar nazarin musanyar al’adu da mutane tsakanin Sin da Faransa, da cibiyar nazarin musayar al’adu damutane dake tsakanin Sin da Jamus. Ban da wannan kuma, akwai muhimmin sansanin nazarin zamantakewar al’umma da kimiyya da fasaha na birnin Beijing, da sansanin nazarin dokoki da ilmi na birnin Beijing. Ban da wannan kuma, BFSU ta shiga jerin farko da ke yalwata harsuna da rubuce-rubucenƙasar Sin, da sansanin nazarin ra’ayin gurguza da ke da halaye musamman na lokacin da muke ciki dakeƙarƙashin shugabancin Xi Jinping a birnin Beijing, kana ankafacibiyar nazarinƙirƙiro da sabbin abubuwa da nazarin ra’ayin gurguzu dake da halayen musamman na jami’o’in Beijing.

Jami’ar ta buga fitattun mujallu guda 5 da ke cikin rukunin CSSCI a ƙasar Sin wato mujallar koyarwa da nazarin harsunan ƙasashen waje, da mujallar nazarin adabin ƙasashen waje, da mujallar nazarin dandalin ƙasashen duniya, da mujallar nazarin yanayin da ake ciki game da koyar da harunan waje da mujallar nazarin ilmin Sinanci a duniya. Ban da wannan kuma, mujallar koyar da Rashanci a Sin, ta kasance mujallar da za ta shiga cikin jerin CSSCI, ban da wannan kuma, BFSU ta buga sauran mujalloli 7 da harshen Sinanci. Ban da wannan kuma, taɗauki nauyin buga mujallar Turanci ta nazarin harsunan Sin da sauran mujallu 13 da harsunan waje. Haka kuma, jami’ar tana da sansanin buga littatafai da fitar da faifan bidiyo da na’urorin harsunan waje mafi girma a ƙasar Sin, wato kamfanin kula da harkokin buga littatafan dake shafar koyarwa da nazarin harsunan waje.

BFSU ta buɗe fannonin karatu don neman digirin farko 122, kuma fannonin karatu 46 sun kasance fannin karatu da aka buɗe shi kadai aƙasar Sin. Fannonin karatu 54 sun kasance fitattun fannonin karatunƙasar Sin, yayin da 18 daga cikinsu sun zama fitattun fannonin karatun lardunan Sin, a shekarar 2021, yayin da salon BFSU wajen horaswa a duniya da harsunan daban daban ya samu lambar yabo ta farko.

BFSU tana da muhimman fannonin karatu naƙasar Sin guda 4, kuma tana da muhimman fannonin karatu na birnin Beijing guda 7. Jami’ar tana da ikon danka iznin digiri na uku a fannoni guda 6 wato fannin karatu na nazarin harsunan waje da adabi da sauransu, da fannin karatu na nazarin ilmin kimiyya da tafiyar da harkokin kimiyya da gine-gine, kuma tana da ikon danka iznin digiri na biyu na nazari a fannonin karatu guda 12, wato ilmin dokoki, da ilmin siyasa, da ilmin nazarin tunanin aƙidar Marxism, da ilmin tattalin arziki, da adabin Sinanci, da ilmin harsunan waje da adabi, da ilmin yaɗa labaru da ilmin kimiyya da tafiyar da harkoki da gine-gine da ilmin tafiyar da kasuwanci da masana’antu, da ilmin koyarwa, da ilmin tarihin duniya.Tana da iznin danka digiri na biyu a wajen fannoni karatu 9 watau fassara, da ilmin koyar da Sinanci a ƙasashen waje, dakasuwancin duniya, da haɗa-haɗar kudi, da labaru da yaɗa labaru, da dokoki, da akanta, da tafiyar da harkokin kasuwanci dagine-gine. Fannin karatun koyar da harsunan waje da adabi ya yi fice a ƙasar Sin, sannan kuma fannin koyarwa da harsunan waje ya zama fitaccen fannin karatu a birnin Beijing. A sakamakon tantance fannonin karatu da ƙasar Sin ta yi a baya, BFSU ta samu maki A+ a cikin fannin karatu na harsunan waje da adabi, kuma ta dau matsayin farko a ƙasar Sin. A shekarar 2024, bisa sakamakon tantance jerin fannonin karatu na duk jami’o’in duniya na QS, an ce, fannonin karatu na harsunanBFSU sun dau matsayi 61 a duk duniya, fannin karatu na harshen Turanci da adabi yadau matsayi na 151 zuwa 200, yayin da ilmin harsunan zamani ya dau matsayi na 151 zuwa 200, wanda ya yi fice a ƙasar Sin.

Bisa aƙidar BFSU na bautawa jama’a, jami’ar BFSU tana nace kan horar da ɗalibai a wajen diflomasiyya, da fasara, da ilmi, da kasuwanci da cinikyayya, da yada labaru, da dokoki, da haɗa-haɗar kudi, da sauransu, ɗaliban da suka kammala karatu a BFSU sun bazu a duk duniya. Bisa ƙwarya- ƙwaryar sakamakon da aka samu, a cikin abokan karatu na BFSU, akwai jakadu sama da 500, kana akwai ƙananan jakadu kimanin 3000, sabo da haka aka laƙaba wa jami’ar da sunan wurin horar da jami’an diflomasiyya. Yanzu, akwai ɗalibai masu neman digiri na farko kimanin 5700, da ɗalibai masu neman digiri na biyu da na uku kimanin 4300. Ban da wannan kuma, akwai ɗaliban ƙasashen waje kimanin 1200. A shekarar 2024, an tantance jami’ar da ta zama kyakkyawar jami’ar da ke da ingancin koyarwa.

Jami’ar BFSU taɗora muhimmanci sosai game daƙirƙiro da sabon tsari kula da malamai da ma’aikata, donɗaukaka ingancinsu. Yanzu akwai malamai sama da 1200 a jami’ar, da malamanƙasashen wajekimanin 200 da suka fito dagaƙasashe da yankuna 57, su ma suna aiki a nan. Ban da wannan kuma, jami’ar tana daƙwararru da matasa da ke ba da gudummawa sosai ga ƙasar, da fitattun furfesa, da sauran ƙwararru da masana da dai makamantansu. Kashi 90 cikin 100 na malamai sun taɓa ɗalibta a ƙasashen waje. Ƙungiyar malamai ta cibiyar nazarin koyarwa harsunan waje ta Sinda ƙungiyar magance matsalolin duniya da horar da ƙwararru a ƙungiyoyin ƙasa da ƙasa sun taɓa samun lambobin yabo na fitattun ƙungiyoyin malamai na Huang Danian a ƙasar Sin.

BFSU ta nace kan raya jami’a da haɗin gwiwa da fitattun jami’o’in ƙasashen duniya, tana mu’amala da haɗin gwiwa da jami’o’i da hukumomin nazari sama da 300 da suke ƙasashe da yankuna fiye da 80 a duniya, kuma ta ƙulla dangantakar haɗin gwiwa da jami’ar Cambridge ta Birtaniya, da jami’ar Chicago ta Amurka, da jami’ar NYP ta Singapore, da jami’ar Tokyo ta Japan, da jami’ar ANU ta Austriliya, da jami'ar Sorbonne ta Faransa, da jami’ar CUHK ta yankin Hongkong, da jami’ar UM ta Malaysia da jami'ar MSU ta Rasha, da jami'ar USP ta Brazil, da jami'ar Heidelberg ta Jamus, da jami'ar UNAM ta Mexico da jami'ar UAB ta Spaniya da dai sauransu. 

Ban da wannan kuma, BFSU ta ɗauki nauyin shirya kwalejojin Confucius 23 a ƙasashen Asiya da Turai da Amurka, wanda ya dau matsayi na farko a cikin duk jami’o’in Sin, wasu 7 daga ciknsu sun zama fitattun kwalejojin Confucius. 

Jami’ar tana da cibiyar tattara littattafai da bayanai da harsunan daban daban da yawansu ya kai kimanin miliyan 1.6 na harsuna 107 a laburare. A cikinsu, an haɗa da littattafan E-book kimanin miliyan 1.41 da mujallun da yawansu ya kai 873, hatta ma da cibiyoyin tattara bayanai kimanin 103. An kafa wani tsarin adanan littattafanda suka shafi harsuna da adabi da al’adu.A cikin shekarun nan, bayan da aka ƙara haɓaka fannonin karatu, an kafa tsarin adana littattafan siyasa, da dokoki, da diflomasiyya, da tattalin arziki, da labaru, da tafiyar da ayyuka, da nazarin kasashen duniya da na shiyya-shiyya. Ban da wannan kuma, jami’ar tanaƙoƙarta raya harkokin sadarwa, don kafa wani tsarin sadarwa a bayyane, na zamani da ke iya ƙirƙiro da sabbin tunani, kuma ta samu muhimman sakamako kamar shafin Intanet da harsunan waje da yawa, da shafin Intanet na BFSU na zaman,da dandalin manhajar kiɗiɗɗiga da dai sauransu.Ban da wannan kuma, an fara kafa azuzuwa da muhallin karatu na zamani. An kammala aikin gwaji na horar da malaman jeri na farko na ma’aikatar kula da ilmin Sin, kuma an fidda shawarar raya malamai ta fasahohin zamani. An kafa ɗakunan nune-nunen harsunan duniya da ƙago wuraren da ke da halayen musamman na harsuna da al’adu, kuma an kafa sabon ɗakin nune-nunen tarihin BFSU, don waiwaye adon tafiyar gina BFSU daga duk fannoni.

Yanzu, jami’ar tana nace kan tunanin Xi Jinping don raya ra’ayin gurguzu dake da halayyen musamman na yanayin da ake ciki, kuma bisa a ƙidar taron kwamitin tsakiya na jam’iyyar kwaminisancin kasar Sin karo na 20 da taron ilmin kasar Sin, an bi muhimman jawaban da shugaban kasar Sin Xi Jinping ya gabatar, da martanin da ya bayar ga manyan malaman BFSU, don sauye nauyin bisa wuyansu wajen gudanar da taron wakilan jam’iyya da shirin raya kasa na shekaru biyar-biyar karo na 14, a ƙar ƙashin shugabancin jam’iyyar, za a raya ƙwararru da bincike don samun bun ƙasuwar jami’ar. Ban da wannan kuma, za a bi manyan tsare-tsare na inganta ha ɗin gwiwa da ƙasashen duniya, don kyautata BFSU da ta zama ɗaya daga cikin manyan fitattun jami’o’in duniya da ke da halayyen musamman, sannan za a raya alaƙar Sin da ƙasashen duniya ta hanyar harsuna, don horar da ƙwararrun dake ƙaunar ƙasar Sin kuma mai idon bisira, waɗanda za su ƙara bayar da gudummawa wajen gabatar da Sin ga ƙasashen duniya, da ƙara fahimtar ƙasashen duniya game da ƙasar Sin.