Bisa goron gayyata da shugaban ƙasar Sin Xi jinping ya yi, an ce, daga ranar 5 zuwa ranar 6 ga watan Janairun shekarar 2023, shugaban ƙasar Turkmenistan Serdar Berdimuhamedov ya kai ziyarar aiki a ƙasar Sin. BFSU ta daddale takardar fahimtar juna da jami’ar Magtymguly ta Turkmenistan, wadda ta kasance cikin sakamakon da aka samu a yayin ziyarar shugaban Turkmenistan a ƙasar Sin.

A ranar 6 ga wata, shugaban BFSU kuma mataimakin sakataren kwamitin jam’iyyar kwaminisancin jami’ar BFSU Yang Dan ya daddale takardar fahimtar juna tsakanin jami’o’i biyu da takwaransa na jami’ar Magtymguly, Bayramgul Orazdurdiyeva. Shekarar bana shekarar cika shekaru 31 da aka daddale yarjejeniyar diflomasiyya tsakanin Sin da Turkmenistan, kuma ziyarar farko da shugaba Berdimuhamedov ya yi bayan da ya hau karagar mulki a watan Maris na shekarar 2022.

Jami’ar BFSU jami’a kawai da ke koyar da harshen Turkman a ƙasar Sin. A watan Satumban shekarar 2018, BFSU ta fara ɗaukar ɗalibai masu koyon Rashanci da harshen Turkman. A watan Yunin shekarar 2022, ɗalibai da suka kammala karatu sun gudanar da ayyuka a fannonin siyasa, da tattalin arziki da cinikyayya da musayar al’adu. A watan Yulin shekarar 2022, BFSU ta ɗaukar ɗalibai masu koyon digiri na biyu na harshen Turkman, waɗanda za su ɗalibta a ƙasar Turkmenistan.