Tamin'ny 28 Febroary, nanao ny fivoriana momba ny fametrahana ireo asa hatao amin’ny enim-bolana faharoa amin’ny taom-pianarana 2025-2026 tao amin'ny trano fampianarana Yifu ny Oniversite momba ny fampianarana teny vahiny any Beijing (BFSU). Nanatrika ny fivoriana ireo mpitantana rehetra ao amin'ny BFSU. Nandritra ny fivoriana, dia samy nametraka ireo andraikitra samihafa ho an'ny taona vaovao ny Sekreteran’ny Komitin’ny Antoko Kaominista Sinoa any BFSU, Atoa Li Hai sy ny Sekretera lefitry ny Komitin’ny Antoko sady filohan’ny Oniversite, Atoa Jia Wenjian.
Mikasika ny fiaraha-miasa iraisam-pirenena, nanambara Atoa Li Hai fa tokony hifantoka amin'ireo sehatra lehibe toy ny fiteny manerantany, ny kolontsaina manerantany, ary ny fitantanana manerantany. Tokony handrindra ny ezaka amin'ny fisokafana amin'ny any ivelany sy hampiroborobo ny fifanakalozana iraisam-pirenena ny oniversite, ary handray anjara mavitrika amin'ny fiaraha-miasa avo lenta sy isan-karazany amin'ireo oniversite malaza eran-tany mba hanatsarana ny kalitao sy ny fahombiazan'ny fiaraha-miasa ara-panabeazana eo amin'i Sina sy firenena hafa. Tokony handroso hatrany ny fananganana ny Ivon-toerana Confucius, hampitomboana ny fiantraikan’ny marika sy ny fanaparitahana ny kolontsaina amin'ny alàlan'ny tetikasa miavaka toy ny fandaharan'asa "Tetezana mankany Sina". Nilaza Atoa Jia Wenjian fa tokony hatao ny ezaka hanokafana sehatra vaovao amin’ny fiaraha-miasa iraisam-pirenena, hampiroborobo tanteraka ny fampiharana ny fiaraha-miasa ara-panabeazana miaraka amin'ny Oniversiten'i SOAS any Londres, hamorona modely vaovao ho an’ny fiaraha-miasa ara-panabeazana iraisam-pirenena sy sehatra vaovao ho an'ny Ivon-toerana Confucius ary rafitra vaovao "111 Talent Introduction Bases" Ny fandrindrana maharitra sy ny fanatsarana ny drafitra maharitra dia tena ilaina mba hanatanterahana amin’ny fomba mavitrika ny paikady nasionaly, hampiroboroboana ny fampandrosoana avo lenta ny iaraha-miasa ara-panabeazana, ary hampandrosoana ny marika sy ny fananganana fahaiza-manaon'ny “Fianarana any Sina”.
