19 نومبر کو وزارتِ تعلیم کے پارٹی گروپ نے بیجنگ فارن اسٹڈیز یونیورسٹی میں اہم تقرری و برطرفی کے فیصلوں کا اعلان کیا۔ فیصلے کے تحت لی ہائی کو وانگ ڈنگ ہوا کی جگہ یونیورسٹی کا نیا پارٹی سیکریٹری مقرر کیا گیا۔

اجلاس میں وزارتِ تعلیم کے پارٹی گروپ کے رکن، نائب وزیر اور چیف انسپکٹر جناب وانگ جیا ای نے شرکت کی اور خطاب کیا۔ اس کے علاوہ وزارتِ تعلیم کے پرسنل ڈیپارٹمنٹ کے ڈپٹی ڈائریکٹر  اور بیجنگ میونسپل ایجوکیشن ورکنگ کمیٹی کے ڈپٹی سیکریٹری بھی موجود تھے۔

اجلاس کی صدارت بیجنگ فارن اسٹڈیز یونیورسٹی کے صدر اور پارٹی کے ڈپٹی سیکریٹری پروفیسر جیا ویں جیان نے کی۔