3 ستمبر کو بیجنگ کے تیانمن اسکوائر میں جاپانی جارحیت کے خلاف عوامی مزاحمت اور عالمی فسطائیت مخالف جنگ کی فتح کی 80ویں سالگرہ نہایت وقار اور شان کے ساتھ منائی گئی۔ اس موقع پر بیجنگ فارن اسٹڈیز یونیورسٹی کے 24 کالجوں سے 212 اساتذہ اور طلباء نے خصوصی فرائض سرانجام دیے۔

90 اراکین پر مشتمل بی ایف ایس یو اسکوائر کوئر نے شہداء کو خراج عقیدت اور عالمی امن کی آرزو کے اظہار کے ساتھ فتح کا نغمہ پیش کیا۔ اس کے ساتھ ہی 122 رکنی رضاکار ٹیم نے خدمات کے ذریعے نئے دور کے چینی نوجوانوں کے اعتماد، ذمہ داری اور انسان دوستی کو اجاگر کیا۔

یادگاری تقریب کی تیاری مئی کے اوائل سے شروع ہوئی۔ بی ایف ایف یو نے خصوصی ورکنگ گروپ تشکیل دیا اور تعلیمی، تربیتی اور انتظامی معاونت فراہم کی۔ اس دوران کوئر نے 42 کیمپس ریہرسل، چار علاقائی مشترکہ مشقیں اور پانچ فوجی بینڈ ریہرسل مکمل کیں، جن میں مجموعی طور پر 150 گھنٹے کی تربیت شامل تھی۔ رضاکار ٹیم نے بھی سات روزہ تربیتی پروگرام مکمل کیا، جس میں عملی، جسمانی اور نقلی مشقیں شامل تھیں۔

بی ایف ایس یو کے طلباء و اساتذہ نے اپنی شاندار کارکردگی کے ذریعے حب الوطنی کے جذبے اور انقلابی روایت کی پاسداری کو اجاگر کیا، تاریخ سے طاقت حاصل کی اور دنیا کے ساتھ اپنے عزم و جذبے کو شیئر کیا۔