18 جون سے 21 جون تک بین الاقوامی رضاکارانہ خدمات کے مظاہرے کی تربیتی کلاس بیجنگ فارن اسٹڈیز یونیورسٹی کے بین الاقوامی کانفرنس سینٹر میں شروع ہوئی۔ بیجنگ فارن سٹڈیز یونیورسٹی کے نائب صدر جیا دی ژونگ نے افتتاحی تقریب میں شرکت کی اور تقریر کی۔

جیا ڈی ژونگ نے نشاندہی کی کہ بین الاقوامی رضاکارانہ خدمات مختلف تہذیبوں کے درمیان تبادلوں   میں ریڑھ کی ہڈی کی حیثیت رکھتی ہیں۔ نئے دور میں، رضاکارانہ خدمات انجام دینے کے لیے متعلقہ  تنظیموں کی صلاحیت کو بہتر بنانا خاص طور پر اہم ہے۔ بی ایف ایس یو کو بین الاقوامی رضاکارانہ خدمات میں بہت زیادہ تجربہ ہے اور اس نے  بڑے پیمانے پر بین الاقوامی سرگرمیوں کے لیے خدمات فراہم کی ہیں ۔ مستقبل میں، بیجنگ فارن اسٹڈیز یونیورسٹی متعلقہ کام کی حمایت جاری رکھے گی اور بین الاقوامی رضاکارانہ خدمات کے اعلیٰ معیار کی ترقی کو فروغ دینے کے لیے تمام فریقوں کے ساتھ مل کر کام کرتی رہے گی۔

تربیتی کلاس میں  موجودہ دور کی سفارت کاری میں رضاکارانہ خدمات کی اہمیت اور کردار، اوورسیز رضاکار سروس پروجیکٹ ڈیزائن اور مینجمنٹ، بیلٹ اینڈ روڈ  انیشیٹو  کے کنارے   ممالک میں بین الاقوامی رضاکارانہ خدمات کے طریقے ،کراس کلچرل ایکسچینج اینڈ انٹرنیشنل کمیونیکیشن، رضاکارانہ خدمات کی جدید کاری اور اعلیٰ معیار کی ترقی،سماجی تنظیموں کی اقسام، مسائل اور اصول جیسے موضوعات پر تقریریں  کی جائیں گی ۔