බෙයිජිං විදේශ භාෂා විශ්වවිද්‍යාලය (BFSU) බෙයිජිං නගරයේ හයිඩියන් දිස්ත්‍රික්කයේ බටහිර තුන්වන රින්ග් පාරෙහි උතුරු මාවතේ පිහිටා ඇත. මෙම විශ්වවිද්‍යාලය නැගෙනහිර මණ්ඩපය හා බටහිර මණ්ඩපය වශයෙන් තුන්වන රින්ග් පාරෙන් කොටස් දෙකකට බෙදී ඇත. මෙම විශ්වවිද්‍යාලය චීන අධ්‍යාපන අමාත්‍යංශයේ අධීක්ෂණය යටතේ ඇති ඉතාම උසස් විශ්වවිද්‍යාලය වන අතර එය ජාතික ව්‍යාපෘති අංක 985 හා 211 යටතේ පෙළ ගස්සවන ලද, පළමු කාණ්ඩයේ "ද්විත්ව පළමු පන්තියේ" විශ්වවිද්‍යාල අතුරින් එකකි.

BFSU යනු චීන කොමියුනිස්ට් පක්ෂය විසින් ආරම්භ කරන ලද ප්‍රථම විදේශ භාෂා විශ්වවිද්‍යාලයයි. චීනයේ එවක පැවති ජපන් විරෝධී යුද්ධමය සහ දේශපාලන විශ්වවිද්‍යාලයේ තුන්වන මණ්ඩපයේ රුසියන් භාෂා කණ්ඩායම ලෙස 1941 දී මෙම විශ්වවිද්‍යාලය ආරම්භ විය. පසුව එය චීන කොමියුනිස්ට් පක්ෂයේ මධ්‍යම කාරක සභාවේ ඍජු නායගත්වය යටතේ යැන් අන් විදේශ භාෂා විද්‍යාලය ලෙස නම් කරන ලදි. නව චීනය පිහිටුවීමෙන් පසු එය විදේශ කටයුතු අමාත්‍යංශයේ අධීක්ෂණය යටතට පත් කෙරිණි. 1954 දී එය බෙයිජිං විදේශ භාෂා ආයතනය ලෙස නම් කරන ලද අතර 1959 දී බෙයිජිං රුසියන් ආයතනය සමඟ ඒකාබද්ධ වීමෙන් අනතුරුව නව බෙයිජිං විදේශ භාෂා ආයතනය බිහි විය. 1980 සිට මෙම ආයතනය අධ්‍යාපන අමාත්‍යංශයේ නායකත්වය යටතේ පැවතිණ. 1994 සිට එය නිල වශයෙන් බෙයිජිං විදේශ භාෂා විශ්වවිද්‍යාලය ලෙස නම් කෙරිණ.

අද වන විට BFSU හි විදේශ භාෂා 101ක් උගන්වනු ලැබේ. මෙහි යුරෝපීය, ආසියානු සහ අප්‍රිකානු භාෂා ඉගැන්වීමේ ආයතන දැනට චීනයේ විශාලතම පොදු නොවන භාෂා ගොඩනැගීමේ කඳවුරු වන අතර අධ්‍යාපන අමාත්‍යාංශයේ සුවිශේෂ අංශ ඉදිකිරීම් වැඩසටහන්වල පළමු කණ්ඩායම වේ. මෙම විශ්වවිද්‍යාලය විදේශීය භාෂා සහ සාහිත්‍ය කේන්ද්‍ර කරගෙන සාහිත්‍යය, නීතිය, ආර්ථික විද්‍යාව, කළමනාකරණය සහ ඉගැන්වීම වැනි බහුවිධ විෂයයන් සම්බන්ධීකරණය කරන ලද සංවර්ධන රටාවක් නිර්මාණය කර ඇත. කාලානුක්‍රමික අනුපිළිවෙලට අනුව, BFSU රුසියානු, ඉංග්‍රීසි, ප්‍රංශ, ජර්මානු, ස්පාඤ්ඤ, පෝලන්ත, චෙක්, රුමේනියානු, ජපන්, අරාබි, කාම්බෝජ, ලාඕ, සිංහල, මැලේ, ස්වීඩන්, පෘතුගීසි, හංගේරියානු, ඇල්බේනියානු, බල්ගේරියානු, ස්වහීලී, බුරුම, ඉන්දුනීසියානු, ඉතාලි, ක්‍රොඒෂියානු, සර්බියානු, හවුසා, වියට්නාම, තායි, තුර්කි, කොරියානු, ස්ලෝවැක්, ෆින්ලන්ත, යුක්රේනියානු, ලන්දේසි, නෝර්වීජියානු, අයිස්ලන්ත, ඩෙන්මාර්ක, ග්‍රීක, පිලිපීන, හින්දි, උර්දු, හෙබ්‍රෙව්, පර්සියානු, ස්ලෝවේනියානු, එස්තෝනියානු, ලැට්වියානු, ලිතුවේනියානු, අයිරිෂ්, මෝල්ටීස්, බෙංගාලි, කසාක්, උස්බෙක්, ලතින්, සූලු, කිර්ගිස්, පුෂ්ටෝ, සංස්කෘත, පාලි, අම්හාරික්, නේපාල, සෝමාලි, දෙමළ, ටර්ක්මන්, කැටලන්, යොරුබා, මොන්ගෝලියානු, ආර්මේනියානු, මැලගසි, ජෝර්ජියානු, අසර්බයිජානියානු, අප්‍රිකානර්, මැසිඩෝනියානු, ටජික්, සෙට්ස්වානා, එන්ඩබෙලේ, කොමෝරියන්, ක්‍රියෝල්, ෂෝනා, ටයිග්‍රේනියා, බෙලාරුසියානු, මඕරි, ටොංගන්, සැමෝවා, කුර්දි, බිස්ලාමා, ඩාරි, ටෙටම්, දිවේහි, ෆීජියන්, කුක් දූපත් මඕරි, ලුන්ඩි, ලක්සම්බර්ග් , කින්යාර්වාන්ඩා, නියුආන්, පිඩ්ජින්, චෙවා, සේසුතෝ, සැන්ගෝ, ටමාසිගෙට්, ජාවානි, පන්ජාබි ඇතුළු භාෂා උගන්වනු ලැබේ. BFSU යැන් අන් හරයට අනුගත වෙමින් ජාතික උපාය මාර්ගයට සේවය කිරීමට කටයුතු කරමින්, චීනය සමඟ රාජ්‍ය තාන්ත්‍රික සබඳතා ඇති කර ගත් රටවල සියලු ම නිල භාෂා උගන්වා ඇත.

මෑත වසරවලදී, BFSU විසින් දක්ෂතා පුහුණු ආකෘතිය ප්‍රතිසංස්කරණය කිරීම දැඩි ලෙස ප්‍රවර්ධනය කර ඇත. ඒ අනුව එහි චීනයේ විශ්වවිද්‍යාලවල පළමු ඉගැන්වීම් ද්‍රව්‍ය කාර්යාලය, බෙයිවයි පාසල, ජාත්‍යන්තර සංවිධාන පීඨය, ජාත්‍යන්තර අධ්‍යාපන පීඨය, ආසියා අධ්‍යයන පීඨය, අප්‍රිකා අධ්‍යයන පීඨය,  කෘතිම බුද්ධිය සහ මානව භාෂා රසායනාගාරය, චීන සංස්කෘතිය පිළිබඳ ජාත්‍යන්තර සන්නිවේදන ආයතනය, ජාතික පරිවර්තන හැකියාවන් පර්යේෂණ මධ්‍යස්ථානය වැනි ආයතන ස්ථාපිත කර ඇත. මෙම විශ්වවිද්‍යාලයේ ජාතික හා පළාත් මට්ටම්වල පර්යේෂණ කඳවුරු 52 ක් ඇත. ඒ අතරින් චීන විදේශ භාෂා සහ අධ්‍යාපන පර්යේෂණ මධ්‍යස්ථානය වැනි අධ්‍යාපන අමාත්‍යාංශයේ මානව ශාස්ත්‍ර සහ සමාජ විද්‍යා පර්යේෂණ පදනම, කෘතිම බුද්ධිය සහ මානව භාෂා රසායනාගාරය වැනි අධ්‍යාපන අමාත්‍යාංශයේ දර්ශන හා සමාජ විද්‍යා රසායනාගාරය, ජාතික භාෂා හැකියාවන් සංවර්ධන පර්යේෂණ මධ්‍යස්ථානය වැනි ජාතික භාෂා කමිටු පර්යේෂණ මධ්‍යස්ථානය, මධ්‍යම හා නැගෙනහිර යුරෝපීය පර්යේෂණ මධ්‍යස්ථානය, ජපන් පර්යේෂණ මධ්‍යස්ථානය, බ්‍රිතාන්‍ය පර්යේෂණ මධ්‍යස්ථානය, කැනේඩියානු පර්යේෂණ මධ්‍යස්ථානය ඇතුළු අධ්‍යාපන අමාත්‍යාංශය යටතේ ප්‍රාදේශීය සහ ජාතික පර්යේෂණ කඳවුරු 4 ක්, අධ්‍යාපන අමාත්‍යාංශයේ ජාතික සහ ප්‍රාදේශීය පර්යේෂණ මධ්‍යස්ථාන පර්යේෂණ මධ්‍යස්ථාන 37 ක්, චීන-ඉන්දුනීසියා සංස්කෘතික හුවමාරු පර්යේෂණ මධ්‍යස්ථානය, චීන-ප්‍රංශ සංස්කෘතික හුවමාරු පර්යේෂණ මධ්‍යස්ථානය, චීන-ජර්මනි සංස්කෘතික හුවමාරු පර්යේෂණ මධ්‍යස්ථානය ඇතුළු අධ්‍යාපන අමාත්‍යාංශයේ චීන සහ විදේශීය රටවල් අතර සංස්කෘතික හුවමාරු පර්යේෂණ මධ්‍යස්ථාන 3 ක් පවතී. එමෙන් ම මෙම විශ්වවිද්‍යාලයට බෙයිජිං නගරයේ දර්ශනවාදය සහ සමාජ විද්‍යා පර්යේෂණ පදනමක් ද බෙයිජිං නගරයේ නීතියේ ආධිපත්‍ය පර්යේෂණ පදනමක් ද ඇත.

BFSU විසින් "විදේශීය භාෂා ඉගැන්වීම සහ පර්යේෂණ", "විදේශීය සාහිත්‍යය", "ජාත්‍යන්තර සංසදය", "විදේශීය භාෂා අධ්‍යාපන පර්යේෂණ මායිම්" වැනි CSSCI සඟරා 4 ක්, "චීනය පිළිබඳ ජාත්‍යන්තර පර්යේෂණ", "චීනයේ රුසියන් භාෂාව ඉගැන්වීම" වැනි CSSCI විස්තීරණ අනුවාද සඟරා 2 ක් සහ අනෙකුත් චීන භාෂා ශාස්ත්‍රීය සඟරා 7 ක් ප්‍රකාශයට පත් කරනු ලැබේ. එමෙන් ම ESCI ඉංග්‍රීසි සඟරාව " Chinese Journal of Applied Linguistics" (චීන ව්‍යවහාරික වාග් විද්‍යාව) සහ ඉංග්‍රීසි, ප්‍රංශ, ස්පාඤ්ඤ, අරාබි, රුසියානු, ජර්මානු, පෘතුගීසි ඇතුළු භාෂා 7 ක් ආවරණය කරන බහුභාෂා ශාස්ත්‍රීය සඟරා 12 ක් ප්‍රකාශයට පත් කරනු ලැබේ. බෙයිජිං විදේශ භාෂා විශ්වවිද්‍යාලයට බද්ධ විදේශ භාෂා ඉගැන්වීම් සහ පර්යේෂණ ප්‍රකාශන ආයතනය යනු විදේශීය භාෂා පොත්, ශ්‍රව්‍ය දෘශ්‍ය සහ විද්‍යුත් නිෂ්පාදන සඳහා චීනයේ විශාලතම ප්‍රකාශන ඒකකයයි.

BFSU හි ශාස්ත්‍රවේදී උපාධි වෙනුවෙන් විෂයයන් 121 ක් විවෘත කරනු ලැබේ. එයින් විෂයයන් 47 ක් චීනයේ අනෙක් විශ්වවිද්‍යාලවල නැත. විෂයයන් 54 ක් ජාතික මට්ටමේ පළමු පන්තියේ ශාස්ත්‍රවේදී විෂයයන් බවට පත් වී ඇත. විෂයයන් 18 ක් පළාත් මට්ටමේ පළමු පන්තියේ ශාස්ත්‍රවේදී විෂයයන් බවට පත් වී ඇත. එමෙන් ම 2021 බෙයිජිං නාගරික උසස් අධ්‍යාපන ඉගැන්වීමේ ජයග්‍රහණ සම්මානය දිනාගත් ඉගැන්වීමේ ජයග්‍රහණ 8ක් ඇත.

දැනට රාජ්‍ය ගනයේ ප්‍රධාන විෂයයන් 4ක් (සංවර්ධනය වන විෂයයන් ඇතුළු) සහ බෙයිජිං ගනයේ ප්‍රධාන විෂයයන් 7ක් බෙයිජිං විදේශ භාෂා විශ්ව විද්‍යාලයේ ඇත. ආචාර්ය උපාධි වැඩසටහනක් පිරිනැමීමට අවසර දී ඇති පළමු මට්ටමේ විෂයයන් 2ක් (විදේශීය භාෂාව සහ සාහිත්‍යය, කළමනාකරණ විද්‍යාව සහ ඉංජිනේරු), ශාස්ත්‍රපති උපාධි වැඩසටහනක් පිරිනැමීමට අවසර දී ඇති පළමු මට්ටමේ විෂයයන් 11ක් (විදේශ භාෂාව සහ සාහිත්‍යය, චීන භාෂා සාහිත්‍යය, පුවත්පත් සන්නිවේදන විද්‍යාව, නීති විද්‍යාව, දේශපාලන විද්‍යාව, මාක්ස්වාදී න්‍යාය විද්‍යාව, ව්‍යවහාරික ආර්ථික විද්‍යාව, කළමනාකරණ විද්‍යාව සහ ඉංජිනේරු, ව්‍යාපාර පරිපාලනය, අධ්‍යාපන විද්‍යාව, ලෝක ඉතිහාසය) සහ වෘත්තීය ශාස්ත්‍රපති උපාධි වැඩසටහනක් පිරිනැමීමට අවසර දී ඇති පළමු මට්ටමේ විෂයයන් 8ක් (පරිවර්තනය, චීන භාෂාව පිළිබඳ ජාත්‍යන්තර අධ්‍යයනය, ජාත්‍යන්තර ව්‍යාපාර, මූල්‍ය විද්‍යාව, පුවත්පත් සහ සන්නිවේදනය, නීතිය, ගිණුම්කරණය, එම්.බී.ඒ) ඇත. සාහිත්‍යය, ආර්ථික විද්‍යාව, කළමනාකරණය, නීතිය, අධ්‍යාපනය, ඉතිහාසය සහ ඉංජිනේරු යන ප්‍රධාන විෂයයන් 7ක් ඇතුළත් වේ. විදේශ භාෂාව සහ සාහිත්‍යය විෂය රාජ්‍ය ගනයේ "ද්විත්ව පළමු පන්තියේ" ඉදිකිරීම් විෂයයන් හි තේරී පත් විය. විදේශීය භාෂා අධ්‍යාපන විද්‍යාව බෙයිජිං ගනයේ විශ්වවිද්‍යාලවල ඉහළ මට්ටමේ විෂයක් ලෙස අනුමත කර ඇත. ජාතික විෂය ඇගයීමේ සිව්වැනි වටයෙ දී, පළමු මට්ටමේ විෂය වන විදේශ භාෂාව සහ සාහිත්‍යය A+ ශ්‍රේණිගත කිරීම ලබා ගත්ත අතර එය රට තුළ ප්‍රථම ස්ථානයට පත් විය. 2023 වසරේ QS ලෝක විශ්ව විද්‍යාලවල විෂයයන් ශ්‍රේණිගත කිරීම්වල බෙයිජිං විදේශ භාෂා විශ්වවිද්‍යාලයේ වාග් විද්‍යාව 45 වැනි ස්ථානය ලබාගෙන, ඉංග්‍රීසි භාෂාව සහ සාහිත්‍යය 101-150 වැනි ස්ථානය ලබාගෙන, නවීන වාග් විද්‍යාව 151-200 වැනි ස්ථානය ලබාගෙන ඇති අතර, චීනයේ සමාන විශ්වවිද්‍යාල අතර බෙයිජිං විදේශ භාෂා විශ්වවිද්‍යාලය ප්‍රථම ස්ථානයට පත් වේ.

බෙයිජිං විදේශ භාෂා විශ්වවිද්‍යාලයේ උපාධි අපේක්ෂකයින් 5,700 කට වඩා, පශ්චාත් උපාධිධාරියන් (ශාස්ත්‍රපති උපාධි සඳහා සිසුන් සහ ආචාර්ය උපාධි සඳහා සිසුන්) 3,900 කට වඩා සහ ජාත්‍යන්තර සිසුන් 1,300 කට වඩා ඇත.

බෙයිජිං විදේශ භාෂා විශ්වවිද්‍යාලය දක්ෂයින් කළමනාකරණ යන්ත්‍රණය කෙරෙහි අවධානය යොමු කරන අතර ගුරු මණ්ඩලයේ මට්ටම පුළුල් ලෙස වැඩිදියුණු කරයි. පූර්ණ කාලීන ගුරුවරුන් සහ කාර්ය මණ්ඩලය 1,300 කට වැඩි පිරිසක් සිටින අතර රටවල් සහ කලාප 65කින් පැමිණි දිගු කාලීන සහ කෙටි කාලීන විදේශ විශේෂඥයන් 200 කට ආසන්න සංඛ්‍යාවක් සිටිති. මහජන චීන සමූහාණ්ඩුවේ “මිත‍්‍රත්ව පදක්කම” ජයග්‍රාහකයා, ජාතික විශිෂ්ට ගුරුවරයන්, ජාතික මට්ටමේ විශිෂ්ට දායකත්වයන් සහිත තරුණ සහ මැදි වයසේ විශේෂඥයින්, “Chang Jiang විද්වතුන්ගේ වැඩසටහන” සඳහා විශේෂයෙන් පත් කරන ලද මහාචාර්යයන්, තරුණ Chang Jiang විද්වතුන්, ජාතික ඉහළ මට්ටමේ දක්ෂතා විශේෂ උපකාරක වැඩසටහන යටතේ දර්ශනය සහ සමාජ විද්‍යාව සඳහා ප්‍රමුඛ දක්ෂයින්, ප්‍රසිද්ධ ගුරුවරුන් සහ තරුණ ඉහළ පෙළේ දක්ෂයින්, ජාතික දක්ෂතා සීය-දාහ-දස දාහක ව්‍යාපෘතිය සඳහා දක්ෂයින් සහ “කාණ්ඩ හතරක්” දක්ෂතා සැලැස්ම සඳහා දක්ෂයින් යන ඉහළ මට්ටමේ ගුරුවරුන් බෙයිජිං විදේශ භාෂා විශ්වවිද්‍යාලයේ සිටී. ගුරුවරුන්ගෙන් 90% කට වැඩි විදේශ අධ්‍යයන පළපුරුද්ද ඇත. චීන විදේශ භාෂාව සහ අධ්‍යාපන පර්යේෂණ මධ්‍යස්ථානයේ ගුරු මණ්ඩලය සහ ගෝලීය පාලනය සහ ජාත්‍යන්තර සංවිධාන සඳහා දක්ෂයින් පුහුණු කිරීමේ කණ්ඩායම “ජාතික විශ්වවිද්‍යාලවල Huang Danian ගුරු කණ්ඩායම” ලැයිස්තුවට තෝරා ගන්නා ලදී.

බෙයිජිං විදේශ භාෂා විශ්වවිද්‍යාලය ලෝකයේ රටවල් සහ කලාප 84ක විශ්වවිද්‍යාල සහ ශාස්ත්‍රීය ආයතන 299 ක් සමඟ හුවමාරු සහ සහයෝගිතා ගිවිසුම් අත්සන් කර ඇති අතර එය එක්සත් ජනපදයේ බ්‍රවුන් විශ්වවිද්‍යාලය, එක්සත් රාජධානියේ එඩින්බරෝ විශ්වවිද්‍යාලය, ජර්මනියේ හයිඩෙල්බර්ග් විශ්වවිද්‍යාලය, රුසියාවේ මොස්කව් රාජ්ය විශ්වවිද්‍යාලය, කැනඩාවේ ටොරොන්ටෝ විශ්වවිද්‍යාලය, ප්‍රංශයේ පෙරදිග භාෂා සහ ශිෂ්ටාචාර පිළිබඳ ජාතික ආයතනය, ජපානයේ ටෝකියෝ විශ්වවිද්‍යාලය සහ සිංගප්පූරුවේ නැන්යැන්ග් තාක්ෂණික විශ්වවිද්‍යාලය යන සුප්‍රසිද්ධ විදේශීය විශ්වවිද්‍යාල සමඟ සැලකිය යුතු සහයෝගි සබඳතා ගොඩ නගා ඇත. බෙයිජිං විදේශ භාෂා විශ්වවිද්‍යාලය ආසියාවේ, යුරෝපයේ සහ ඇමරිකාවේ රටවල් 18ක කොන්ෆියුසියස් ආයතන සහ ස්වාධීන කොන්ෆියුසියස් පන්ති කාමර 23ක් ස්ථාපිත කර ඇති අතර, එම සංඛ්‍යාව දේශීය විශ්වවිද්‍යාල අතර ප්‍රථම ස්ථානයට පත්ව ඇත. ඒවායින් 7ක් ගෝලීය ආකෘති කොන්ෆියුසියස් ආයතන වේ. එළිදරවු කළ වේලාවට අනුව, කොන්ෆියුසියස් ආයතන (හෝ පන්ති කාමර) පහත පරිදි වේ: ජර්මනියේ නුන්බර්ග් එලැන්ගන් විශ්වවිද්‍යාලයීය කොන්ෆියුසියස් ආයතනය, බෙල්ජියමේ බ්‍රසෙල්ස් විශ්වවිද්‍යාලයීය කොන්ෆියුසියස් ආයතනය, ඔස්ට්‍රියාවේ වියෙනා විශ්වවිද්‍යාලයීය කොන්ෆියුසියස් ආයතනය, ඉතාලියේ රෝම විශ්වවිද්‍යාලයීය කොන්ෆියුසියස් ආයතනය, පෝලන්තයේ ක්‍රකෝව් කොන්ෆියුසියස් ආයතනය, බෙල්ජියමේ ලීජ් විශ්වවිද්‍යාලයීය කොන්ෆියුසියස් ආයතනය, ජර්මනියේ ඩුසුඩෝර්ෆ් විශ්වවිද්‍යාලයීය කොන්ෆියුසියස් ආයතනය, හංගේරියාවේ ලෝරන්ද් විශ්වවිද්‍යාලයීය කොන්ෆියුසියස් ආයතනය, බල්ගේරියාවේ සොෆියා විශ්වවිද්‍යාලයීය කොන්ෆියුසියස් ආයතනය, චෙක් ජනරජයේ පැලස්කි විශ්වවිද්‍යාලයීය කොන්ෆියුසියස් ආයතනය, ජර්මනියේ මියුනික් විශ්වවිද්‍යාලයීය කොන්ෆියුසියස් ආයතනය, මලයාසියාවේ මලයා විශ්වවිද්‍යාලයීය කොන්ෆියුසියස් ආයතනය, හැන්ක්යෝ විදේශ අධ්‍යාපන විශ්වවිද්‍යාලයීය කොන්ෆියුසියස් ආයතනය, ස්පාඤ්ඤයේ බාර්සිලෝනා කොන්ෆියුසියස් ආයතනය, රුසියාවේ මොස්කව් ජාතික භාෂා විශ්වවිද්‍යාලයීය කොන්ෆියුසියස් ආයතනය, එක්සත් අරාබි එමීර් රාජ්‍යයේ සයීද් විශ්වවිද්‍යාලයීය කොන්ෆියුසියස් ආයතනය, ඇල්බේනියාවේ ටිරානා විශ්වවිද්‍යාලයීය කොන්ෆියුසියස් ආයතනය, ජර්මනියේ ගොටිනන් විශ්වවිද්‍යාලයීය කොන්ෆියුසියස් ආයතනය, එක්සත් රාජ්‍යයේ ඔක්ස්ෆර්ඩ් බෲක්ස් විශ්වවිද්‍යාලයීය කොන්ෆියුසියස් ආයතනය, ශ්‍රී ලංකාවේ කොළඹ විශ්වවිද්‍යාලයීය කොන්ෆියුසියස් ආයතනය, ප්‍රංශයේ ESCP යුරෝපීය ව්‍යාපාරික පාසලේ කොන්ෆියුසියස් ආයතනය, එක්සත් ජනපදයේ මේරික්නෝල් පාසලේ කොන්ෆියුසියස් පන්ති කාමරය, එක්සත් රාජ්‍යයේ විවෘත විශ්වවිද්‍යාලයීය ඔන්ලයින් කොන්ෆියුසියස් ආයතනය.

‌බෙයිජිං විදේශ භාෂා විශ්වවිද්‍යාලයේ පුස්තකාලයේ මිලියන 1.57 කට ආසන්න චීන සහ විදේශීය භාෂාවලින් කඩදාසි පොත්, මිලියන 2.16 කට වඩා වැඩි චීන සහ විදේශීය විද්‍යුත් පොත්, චීන සහ විදේශීය පුවත්පත් සහ වාර සඟරා 1,081 ක් සහ චීන සහ විදේශීය දත්ත සමුදායන් 107 ක් ඇත. එය භාෂාව, සාහිත්‍යය සහ සංස්කෘතිය ප්‍රධාන ද්‍රව්‍ය ලෙස එකතු කිරීමේ ලක්ෂණ පිහිටුවා ඇත. මෑත වසරවලදී, විනය ගොඩනැගීමේ වර්ධනයත් සමඟ, දේශපාලනය, නීතිය, රාජ්‍ය තාන්ත්‍රිකභාවය, ආර්ථික විද්‍යාව, පුවත්පත් කලාව සහ කළමනාකරණය පිළිබඳ සාහිත්‍යය ක්‍රමයෙන් එකතු කිරීමේ ක්‍රමයක් නිර්මාණය කර ඇත. BFSU අඛණ්ඩව අධ්‍යාපනික තොරතුරුකරණය ගොඩනැගීම ශක්තිමත් කර අතර විවෘත, අන්තර් සම්බන්ධිත, බුද්ධිමත්, නව්‍ය සහ ඒකාබද්ධ තොරතුරුකරණ සංවර්ධන පද්ධතියක් සාදයි. එය බහුභාෂා වෙබ් අඩවිය, ඩිජිටල් BFSU, දත්ත මධ්‍යස්ථානය, මාර්ගගත ඉගැන්වීම් සහ ඉගැන්වීම් සම්පත් වැනි මෘදුකාංග වේදිකා සංවර්ධනය කරයි. ස්මාට් පන්ති කාමර සහ බුද්ධිමත් ඉගෙනුම් පරිසරය ගොඩනඟමින්, සුවිශේෂී ජයග්‍රහණ ගණනාවක් සාදයි. 2021 වසරේදී, අධ්‍යාපන අමාත්‍යාංශය විසින් BFSUහි ගුරු කණ්ඩායමේ නියමු කාර්යය ගොඩනැගීම ප්‍රවර්ධනය කිරීම සඳහා කෘතිම බුද්ධියේ පළමු කණ්ඩායම සම්පූර්ණ කරන අතර "විශ්වවිද්‍යාල ආචාර්යවරුන්ගේ සංවර්ධනය ඉහළ නැංවීම සඳහා කෘතිම බුද්ධිය පිළිබඳ BFSU මුලපිරීම" නිකුත් කරනු ඇත. භාෂාවේ සහ සංස්කෘතියේ නව සලකුණක් නිර්මාණය කිරීම සඳහා ලෝක භාෂා කෞතුකාගාරය ඉදි කළ අතර BFSU හි අධ්‍යාපන ඉතිහාසය සම්පූර්ණයෙන්ම ප්‍රදර්ශනය කිරීම සඳහා නව විශ්වවිද්‍යාලයේ ඉතිහාස කෞතුකාගාරය නිම කරනු ඇත.

BFSU විප්ලවයේ සම්ප්‍රදාය සම්මත කිරීම, ජාතික උපාය මාර්ගයට සේවය කිරීම, “විදේශ භාෂා පිළිබඳ විශේෂ ප්‍රවීණතාවය” පිළිබඳ පාසල් ධාවන දර්ශනයට අනුගත වීම සහ " විවෘත මනසකින් ඉගෙන ගන්න, උතුම් අරමුණක් ඉෂ්ට කරන්න" යන ආදර්ශ පාඨය පිළිපැදීම, "සමාජවාදී චින්තනය, වෘත්තීයභාවය සහ අලංකාරය" පිළිබඳ කැම්පස් සංස්කෘතිය ප්‍රවර්ධනය කිරීම පිළිබඳ කටයුතු කරයි. BFSU සදාචාරය තුළින් මිනිසුන් වගා කිරීමේ මූලික කර්තව්‍යය ක්‍රියාත්මක කරන අතර රාජ්‍ය තාන්ත්‍රික, පරිවර්තන, අධ්‍යාපනය, ආර්ථික විද්‍යාව සහ වෙළඳාම, පුවත්පත් කලාව, නීතිය සහ මූල්‍ය යන ක්ෂේත්‍රවල විදේශ සම්බන්ධ උසස් තත්ත්වයේ කුසලතා වර්ධනය කිරීම සඳහා එය වැදගත් පදනමක් බවට පත්ව ඇත. BFSU හි උපාධිධාරී කණ්ඩායමක් ලොව පුරා සහ රට පුරා ව්‍යාප්ත වී ඇත. ඔවුන් සෑම ක්ෂේත්‍රවල ක්‍රියාශීලීව විශිෂ්ට ජයග්‍රහණ ලබා ඇති අතර සමාජයේ ප්‍රභූ නායකයින් සහ කුළුණු බවට පත්ව ඇත. අසම්පූර්ණ සංඛ්‍යාලේඛනවලට අනුව, බෙයිජිං විදේශ භාෂා විශ්ව විද්‍යාලයෙන් උපාධිය ලබා ගත් ආදි සිසුන් අතරින් 400 කට වැඩි පිරිසක් විදේශයන්හි තානාපතිවරුන් ලෙස සේවය කර ඇති අතර, 2,000 කට වැඩි පිරිසක් උපදේශකයින් ලෙස සේවය කර ඇත. එබැවින්, පාසල "රාජ්‍ය තාන්ත්‍රිකයන්ගේ තොටිල්ල" යන කීර්තිය දිනාගෙන ඇත.

වර්තමානයේදී, විශ්වවිද්‍යාලයේ චීන අනන්‍යතාව සහිත සමාජවාදයේ විශිෂ්ට ධජය උසුලමින් නව යුගයේ චීන අනන්‍යතාව සහිත සමාජවාදය පිළිබඳ ෂී ජින්පිං චින්තනයේ මගපෙන්වීම යටතේ, චීන කොමියුනිස්ට් පක්ෂයේ 20 වන ජාතික සම්මේලනයේදී සම්මත කරගත් මාර්ගෝපදේශන ප්‍රතිපත්ති සම්පූර්ණයෙන්ම ක්‍රියාත්මක කරයි. අධ්‍යාපනය පිළිබඳ ප්‍රධාන ලේකම් ෂී ජින්පින්ගේ ප්‍රකාශයන්, ජාතික අධ්‍යාපන සමුළුවේ ආත්මය සහ ප්‍රධාන ලේකම් ෂී ජින්පින්ග්ගේ ආත්මය BFSU හි වැඩිහිටි මහාචාර්යවරුන්ට ලේකම්වරයාගේ වැදගත් පිළිතුරේ සිටින ආත්මය අනුගමනය කරන අතර, පාසලේ 10 වන පක්ෂ සම්මේලනයේ ආත්මය සහ "14 වැනි පස් අවුරුදු සැලැස්ම"  ක්‍රියාත්මක කරයි. එය පක්ෂයේ සමස්ත නායකත්වය පිළිපදිමින් ශක්තිමත් කරන අතර එය දක්ෂතාවලින් පාසල ශක්තිමත් කිරීම, විද්වතුන් සමඟ පාසල ප්‍රවර්ධනය කිරීම සහ ගෝලීය පාසලක් ගොඩනැගීමේ උපාය මාර්ගය ක්‍රියාත්මක කරයි. ජාත්‍යන්තර, ලාක්ෂණික, ඉහළ මට්ටමේ සහ පුළුල් ලෝක මට්ටමේ විදේශ භාෂා විශ්ව විද්‍යාලයක් ගොඩනැගීමේ අරමුණින්, "චීන සහ විදේශීය භාෂා සන්නිවේදනය කිරීම, ලෝකයට ප්‍රතිලාභ ලබා දීම" යන මෙහෙවර සමඟින්, පවුලේ සහ රටේ හැඟීම්, ගෝලීය දැක්ම සහ වෘත්තීය කුසලතා සමඟ තවත් අන්තර් විනය කුසලතා වර්ධනය කර, චීනය වඩා හොඳින් අවබෝධ කර ගැනීම සහ චීනය ලෝකයට සහ ලෝකයට ප්‍රවර්ධනය කිරීම සඳහා නව මෙන්ම වැඩි දායකත්වයක් ලබා දෙන්න!