මැයි 11 සිට 13 දක්වා, අධ්‍යාපන සහයෝගීතාව පිළිබඳ චීන-බෙලාරුස් අනුකමිටුවේ 8 වන සමුළුව, පළමු චීන-මධ්‍යම ආසියානු අධ්‍යාපන අමාත්‍යවරුන්ගේ සමුළුව, SCO විශ්වවිද්‍යාලවල 2025 වාර්ෂික සමුළුව සහ SCO සාමාජික රටවල අධයාපන අමාත්යවරුන්ගේ 9 වන සමුළුව ෂින්ජියැන්ග් හි උරුම්චි හි පැවැත්විණි. බෙයිජිං විදේශ භාෂා විශ්වවිද්‍යාලයේ සභාපති සහ පාලක සභාවේ උප සභාපති ජ්‍යා වෙන්ජියෙන් (Jia Wenjian) මහතා විසින් අදාළ කටයුතු වලට සහභාගී වීම සඳහා කණ්ඩායමක් මෙහෙයවනු ලැබීය.

මැයි 11 වන දින පස්වරුවේ, චීන-බෙලාරුස් අධ්‍යාපන සහයෝගීතාව පිළිබඳ අනුකමිටුවේ 8 වන සමුළුව පැවැත්විණි. මහජන චීන සමූහාණ්ඩුවේ අධ්‍යාපන උපඅමාත්‍ය වූ යාන් (Wu Yan) මහතා සහ බෙලරුස් ජනරජයේ අධ්‍යාපන අමාත්‍ය ඇන්ඩ්රෙයි ඉවානෙට්ස් (Andrei Ivanets) මහතා, මෙම සමුළුවේ සම-සභාපතිත්වය වන, ජියා වෙන්ජියෑන් මහතා, බෙලාරුසියානු රාජ්‍ය විශ්වවිද්‍යාලයේ සභාපති ඇන්ඩ්රෙයි කොරොල් (Andre Koror)  මහතා සහ මින්ස්ක් ප්‍රාන්ත භාෂාමය විශ්වවිද්‍යාලයේ සභාපති ලැප්චෙවා නටාලියා (Lapcheva Natalia) මහත්මිය සමඟ එක්ව, ජනතාව අතර හුවමාරුව සඳහා චීන-බෙලාරුස් මධ්‍යස්ථානයේ සමරු ඵලකය ඒකාබද්ධව විවෘත කරන ලදී.

මැයි 12 වන දින උදෑසන, පළමු චීන-මධ්‍යම ආසියා අධ්‍යාපන අමාත්‍යවරුන්ගේ සමුළුව පැවැත්වූ අතර, මහජන චීන සමූහාණ්ඩුවේ අධ්‍යාපන අමාත්‍ය හුවායි ජින්පෙන්ග්(Huai Jinpeng) මහතා සමුළුවේ ප්‍රධාන දේශනය පැවැත්විණි. ප්‍රතිඵල නිකුත් කිරීමේ දී ජියා වෙන්ජියෑන් මහතා සහ කිර්ගිස් ජනරජයේ අධ්‍යාපන හා විද්‍යා අමාත්‍ය කෙන්ඩිර්බයේවා(Kendir Bayeva) මහතා “චීන සමූහාණ්ඩුවේ බෙයිජිං විදේශ භාෂා විශ්වවිද්‍යාලය සහ කිර්ගිස් ජනරජයේ අධ්‍යාපන හා විද්‍යා අමාත්‍යාංශය අතර අවබෝධතා ගිවිසුමට” එක්ව අත්සන් තැබූහ.

මැයි 11 සිට 13 දක්වා, ෂැංහයි සහයෝගිතා සංවිධානය විශ්වවිද්‍යාලයේ 2025 වාර්ෂික සමුළුව පවත්වන ලදී, ජ්‍යා වෙන්ජියෙන් මහතා සමාරම්භක උත්සවයට සහභාගී වූ අතර, රුසියානු භාෂා පාසලේ පීඨාධිපති ඩායි ගුයිජු(Dai Guiju) මහතා ඩිජිටල් බුද්ධි අධ්‍යාපන සංසදයේ ප්‍රධාන දේශනයක් පැවැත්විණි.

මැයි 13 වන දින උදෑසන SCO සාමාජික රටවල අධ්‍යාපන අමාත්‍යවරුන්ගේ සමුළුවක් පැවැත්විණි. මෙම හමුවේදී, සම අනුග්‍රහකයින්ගේ නියෝජිතයෙකු ලෙස ජියා වෙන්ජියෑන් මහතා විසින් "SCO ජාතික ඩිජිටල් අධ්‍යාපන සන්ධානය" සහ "චීන-SCO ආචාර්ය පුහුණු නවෝත්පාදන මධ්‍යස්ථානය" විවෘත කරන ලදී.