2024 නොවැම්බර් 15 සිට 17 දක්වා 2024 ලෝක චීන සමුළුව බෙයිජිංවල චීන ජාතික සම්මේලන මධ්‍යස්ථානයේදී පැවැත්විණි. මෙම සමුළුවේ තේමාව වන්නේ " අන්තර් සම්බන්ධතාවය, ඒකාබද්ධතාව, උරුමය, නවෝත්පාදනය " යන්නයි. රටවල් සහ කලාප 160 කට අධික සංඛ්‍යාවක අධ්‍යාපන බලධාරීන්, ජාත්‍යන්තර සංවිධාන, චීන සහ විදේශීය විශ්වවිද්‍යාල සහ ජාත්‍යන්තර භාෂා හා සංස්කෘතික ප්‍රවර්ධන ආයතනවල ප්‍රධානීන්, විශේෂඥයින් සහ විද්වතුන්, ව්‍යාපාරික නියෝජිතයින් සහ චීනයේ තානාපතිවරුන් ඇතුළු 2,000 කට ආසන්න පිරිසක් මෙම රැස්වීමට සහභාගී වූහ. බෙයිජිං විදේශ භාෂා විශ්වවිද්‍යාලයේ කුලපති හා පාලක සභාවේ උප සභාපති ජ්‍යා වෙන්ජියෙන් (Jia Wenjian) මහතාට සහ බෙයිජිං විදේශ භාෂා විශ්වවිද්‍යාලයේ පාලක සභාවේ ස්ථාවර සාමාජික හා උප කුලපති ලියු ෂින්ලු (Liu Xinlu) මහතාටද සමුළුවට සහභාගී වන ලෙස ආරාධනා කරන ලදී. "කොන්ෆියුසියස් ආයතන පිහිටුවීමේ 20 වන සංවත්සරය සැමරීම සඳහා සම්මන්ත්‍රණයේ" දී, ජියා වෙන්ජියෑන් මහතා" එකිනෙකාගෙන් ඉගෙන ගෙන කොන්ෆියුසියස් ආයතන සංවර්ධනයේ නව පරිච්ඡේදයක් ඒකාබද්ධව ලිවීම" යන මාතෘකාව යටතේ දේශනයක් පැවැත්වීය.