මැයි මස දො‍ළස්වනදා “එක් තීරයක් එක් මාවතක් ”ජාත්‍යන්තර සමුළුවට සහභාගි වීමට චීනයට පැමිණ සිටි ග්‍රීසියේ අගමැති අලැක්සියස් ස්ප්‍රාස් （Alexios Tsipras）මහතා බෙයිජිං විදේශ භාෂා විශ්වවිද්‍යාලයේ නිළ සංචාරයක් සිදු කළේ ය. ඒ අතර වාරයේ බෙයිජිං විදේශ භාෂා විශ්වවිද්‍යාලයේ ග්‍රීසිය පිළිබඳ අධ්‍යයන කේන්ද්‍රය මුල් වරට විවෘත කිරීම එතුමා අතින් සිදු කෙරිණි.
ග්‍රීසියේ විදේශ ඇමති නිකොලොස් කොට්සියස්（Nikolaos Kotzias）, චීනයේ සිටින ග්‍රීසියේ තානාපති ලිඔනිදස් රොකනස්（Leonidas Rokanas）එතුමා සමග සංචාරයට එකතු වූ අනෙකුත් මහත්වරු වේ. බෙයිජිං විදේශ භාෂා විශ්වවිද්‍යාලයේ කුලපති පෙන්ලුන්, උප කුලපති යැන් ගුඕහ්වා යන මහත්වරු ද එම උත්සවයට සහභාගි විය.
