2022 වසරේ ජූලි මස 4 වන දින, බෙයිජිං විදේශ භාෂා විශ්ව විද්‍යාලයේ ගිම්හාන ජාත්‍යන්තර අධ්‍යයන වාරය විවෘත කිරීමේ උත්සවය අන්තර්ජාලය හරහා පැවැත්විණි. බෙයිජිං විදේශ භාෂා විශ්ව විද්‍යාලයේ පක්ෂ කමිටුවේ ස්ථාවර කමිටු සාමාජික සහ උප කුලපති සන් යූෂොං මහතා සමාරම්භක උත්සවයට සහභාගී වී දේශනයක් පැවැත්වීය. සමාරම්භක උත්සවය අධ්‍යයන කටයුතු කාර්යාලයේ අධ්‍යක්ෂ ලි ලිවන්ගේ ප්‍රධානත්වයෙන් පැවැත්විණි. සන් යූෂොං මහතා දෙස් විදෙස් ගුරුවරුන් සහ සිසුන් සාදරයෙන් පිළිගත් අතර, සබැඳි පන්තිය අතරතුර තාක්ෂණික අපහසුතා මඟහරවා ගෙන මෙම ගිම්හාන අධ්‍යයන වාරයේ ක්‍රියාකාරකම්වලට සහභාගී වීම පිළිබඳව සැමට ස්තුතිය පුද කළේය.
සමුළුව අතරතුර, ලොව පුරා සිටින විදේශීය විශේෂඥයින් සජීවී විකාශන සහ පටිගත කරන ලද වීඩියෝ දර්ශන හරහා සමුළුවට සහභාගී වන ගුරුවරුන් සහ සිසුන්ට තමන්ව හඳුන්වා දුන් අතර ගිම්හාන ජාත්‍යන්තර අධ්‍යයන වාරයේ ඉගැන්වීම සඳහා ඔවුන්ගේ අපේක්ෂාවන් ප්‍රකාශ කළහ.
මෙම වසරේ, එක්සත් රාජධානිය, ප්‍රංශය, කැනඩාව, ජපානය, නෙදර්ලන්තය, ග්‍රීසිය සහ සිංගප්පූරුව යන රටවල විදේශීය විශේෂඥයින් 12 දෙනෙකු මෙම ගිම්හාන ජාත්‍යන්තර අධ්‍යයන වාරය සඳහා ඉංග්‍රීසි, ප්‍රංශ සහ ජපන් භාෂාවෙන් දේශන පැවැත්වීමට ආරාධනා කර ඇත. පාඨමාලා අන්තර්ගතය දේශපාලන විද්‍යාව, සමාජ විද්‍යාව, ආර්ථික විද්‍යාව, ඉතිහාසය, ප්‍රාදේශීය සංවර්ධනය, සාහිත්‍යය සහ කලාව, ශාරීරික හා මානසික සෞඛ්‍යය සහ වෙනත් ක්ෂේත්‍ර ආවරණය කරයි. මෙම ග්‍රීෂ්ම වාරයේ දී, සිසුන් 398 ක් පාඨමාලා තේරීමට සහභාගී වූ අතර, එයට බෙයිජිං විදේශ භාෂා විශ්ව විද්‍යාලයේ සිසුන් 330 ක් සහභාගි වී ඇත. වෙන විශ්න විද්‍යාලවල සහ විදේශීය සිසුන් 68 ක් අතර සහෝදර ආයතන විසින් නිර්දේශ කරන ලද සිසුන් 60 ක් සහ කොන්ෆියුසියස් ආයතනයේ හවුල්කාර ආයතන විසින් නිර්දේශ කරන ලද සිසුන් 8 දෙනෙකු ද ඇතුලත්ව තිබේ.
