កាលពីថ្ងៃទី ១៩ ខែវិច្ឆិកា ក្រុមដឹកនាំបក្សនៃក្រសួងអប់រំចិនបានប្រកាសអំពីការតែងតាំង និងសេចក្តីសម្រេចចិត្តដែលពាក់ព័ន្ធនឹងសាកលវិទ្យាល័យភាសាបរទេសប៉េកាំង។ ឯកឧត្តម លី ហៃ ត្រូវបានតែងតាំងជាលេខាធិការគណបក្សនៃសាកលវិទ្យាល័យភាសាបរទេសប៉េកាំង ជំនួសឯកឧត្តម វ៉ាង ទីងហួ។ ឯកឧត្តម វ៉ាង ចាយី សមាជិកក្រុមដឹកនាំបក្ស និងជាអនុរដ្ឋមន្ត្រីក្រសួងអប់រំចិន បានអញ្ជើញចូលរួម និងថ្លែងសុន្ទរកថាក្នុងកិច្ចប្រជុំនេះ។ លោក កឺ យាន់ជា អនុប្រធាននាយកដ្ឋានបុគ្គលិកនៃក្រសួងអប់រំ និងលោក យូ ឆឹងវិន អនុលេខាធិការនៃគណៈកម្មាធិការការងារអប់រំក្រុងប៉េកាំង ក៏បានអញ្ជើញចូលរួមក្នុងកិច្ចប្រជុំនេះដែរ។ ឯកឧត្តម ចា វិនជាន អនុលេខាបក្ស និងជាសកលវិទ្យាធិការនៃសាកលវិទ្យាល័យភាសាបរទេសប៉េកាំង បានចូលរួមជាអ្នកសម្របសម្រួលក្នុងកិច្ចប្រជុំនេះ។