នៅថ្ងៃទី ១៣ ខែមីនា ឯកឧត្តម Paulo Jorge Nascimento ឯកអគ្គរដ្ឋទូតព័រទុយហ្គាល់ប្រចាំនៅប្រទេសចិន បានអញ្ជើញមកបំពេញទស្សនកិច្ចនៅសាកលវិទ្យាល័យភាសាបរទេសប៉េកាំង។ ឯកឧត្តម ចា វិនជាន សាកលវិទ្យាធិការ និងជាអនុលេខាបក្សនៃសាកលវិទ្យាល័យភាសាបរទេសប៉េកាំង បានជួបជាមួយគណៈប្រតិភូដែលដឹកនាំដោយឯកឧត្តម Paulo Jorge Nascimento។ ភាគីទាំងពីរបានជួបពិភាក្សាលើការពង្រឹងការផ្លាស់ប្តូរផ្នែកវប្បធម៌ និងការធ្វើឱ្យស៊ីជម្រៅនូវកិច្ចសហប្រតិបត្តិការ។