កាលពីថ្ងៃទី ១២ ខែធ្នូ ឆ្នាំ ២០២៤ លោកស្រី ស៊ូ យីងយីង ប្រធានមហាវិទ្យាល័យសិក្សាអាស៊ី និងលោក វ៉ាង ពួ អនុប្រធានមហាវិទ្យាល័យសិក្សាអាស៊ីនៃសាកលវិទ្យាល័យភាសាបរទេសប៉េកាំង បានទទួលជួបគណៈប្រតិភូនៃសាកលវិទ្យាល័យភាសាបរទេសស៊ីអាន ដែលដឹកនាំដោយលោក ម៉ា ហ្វូតឹ ប្រធានមហាវិទ្យាល័យសិក្សាអាស៊ីអាហ្វ្រិកនៃសាកលវិទ្យាល័យភាសាបរទេសស៊ីអាន។
ភាគីទាំងពីរបានធ្វើការផ្លាស់ប្តូរយ៉ាងទូលំទូលាយអំពីការអប់រំភាសាបរទេសដែលប្រើប្រាស់មិនទូទៅ ការបណ្តុះបណ្តាលធនធានមនុស្ស ការធ្វើកំណែទម្រង់ និងការច្នៃប្រឌិតក្នុងវិស័យអប់រំជំនាញភាសាបរទេសជាដើម ព្រមទាំងបានចែករំលែកបទពិសោធន៍ដ៏មានតម្លៃជាមួយគ្នាអំពីគំនិតអភិវឌ្ឍន៍ និងវិធានការជាក់ស្តែង។
លោក ម៉ា ហ្វូតឹ បានណែនាំដោយសង្ខេបអំពីស្ថានភាពទូទៅនៃការអភិវឌ្ឍរបស់មហាវិទ្យាល័យសិក្សាអាស៊ីអាហ្វ្រិកនៃសាកលវិទ្យាល័យភាសាបរទេសស៊ីអាន និងបានចែករំលែកពីបទពិសោធន៍ជាក់ស្តែងរបស់លោក។ ក្រោយមក លោកស្រី ស៊ូ យីងយីង បានណែនាំអំពីការអភិវឌ្ឍនៃមហាវិទ្យាល័យសិក្សាអាស៊ី ដោយផ្តោតសំខាន់ទៅលើគំនិតថ្មីៗសម្រាប់ការអភិវឌ្ឍមុខជំនាញចម្រុះ និងការតភ្ជាប់ការផ្គត់ផ្គង់ និងតម្រូវការនៃការបណ្តុះបណ្តាលធនធានមនុស្សជំនាញភាសាបរទេស។
លោកប្រធាន ម៉ា ហ្វូតឹ បានថ្លែងអំណរគុណចំពោះមហាវិទ្យាល័យសិក្សាអាស៊ីដែលបានផ្តល់ដល់លោកនូវបដិសណ្ឋារកិច្ចយ៉ាងរាក់ទាក់កក់ក្តៅ និងបានសម្តែងនូវការអញ្ជើញជូនចំពោះលោកស្រី ស៊ូ យីងយីង ដើម្បីទៅធ្វើទស្សនកិច្ចនៅសាកលវិទ្យាល័យភាសាបរទេសស៊ីអាន។
