នៅពេលដែលការប្រកួតវគ្គផ្តាច់ព្រ័ត្រទូទាំងប្រទេសនៃការប្រកួតបកប្រែថ្នាក់ជាតិ CATTI Cup  លើកទី៣ ឆ្នាំ ២០២៤ បានបញ្ចប់ដោយជោគជ័យ លទ្ធផលនៃវគ្គផ្តាច់ព្រ័ត្រត្រូវបានប្រកាសនៅថ្ងៃទី ១៣ ខែសីហា។ និស្សិតឈ្មោះ ចាំង ជីនលាំង ដែលជានិស្សិតថ្នាក់បរិញ្ញាបត្រផ្នែកភាសាកូរ៉េមកពីមហាវិទ្យាល័យសិក្សាអាស៊ីនៃសាកលវិទ្យាល័យភាសាបរទេសប៉េកាំង បានទទួលរង្វាន់លំដាប់ទី ៣ នៅក្នុងវគ្គផ្តាច់ព្រ័ត្រនៃការប្រកួតបកប្រែថ្នាក់ជាតិ CATTI Cup នេះ។

ការប្រកួតនេះត្រូវបានរៀបចំដោយគណៈកម្មាធិការដឹកនាំការអប់រំជំនាញការបកប្រែប្រថ្នាក់បរិញ្ញាបត្រជាន់ខ្ពស់ និងវិទ្យាស្ថានបកប្រែនៃអគ្គនាយកដ្ឋានភាសាបរទេសប្រទេសចិន។ ការប្រកួតនេះចែកចេញជាបីក្រុម គឺក្រុមសាកលវិទ្យាល័យ ក្រុមនៅបរទេស និងក្រុមអាជីពជំនាញ រួមមានភាសាអង់គ្លេស ជប៉ុន កូរ៉េ រុស្សី បារាំង អាល្លឺម៉ង់ និងអេស្បាញ៉ុល និងអារ៉ាប់ សរុប ៨ ភាសា និងមានបេក្ខជនសរុប ៨,៥ ម៉ឺននាក់បានចុះឈ្មោះចូលរួមក្នុងការប្រកួតនេះ។

គួរបញ្ជាក់ថា និស្សិតឈ្មោះ ចាំង ជីនលាំង ដែលមកពីមហាវិទ្យាល័យសិក្សាអាស៊ីនៃសាកលវិទ្យាល័យភាសាបរទេសប៉េកាំង បានឈ្នះរង្វាន់ទី ៣ សម្រាប់ការបកប្រែភាសាកូរ៉េនៅក្នុងក្រុមសាកលវិទ្យាល័យ។ លើសពីនេះ លោកស្រី ចាវ ធីងជួន គ្រូបរទេសរបស់សាកលវិទ្យាល័យភាសាបរទេសប៉េកាំង បានឈ្នះពានរង្វាន់គ្រូឆ្នើម។