នៅថ្ងៃទី ២៨ ខែមិថុនា ពិធីប្រគល់សញ្ញាបត្រឱ្យនិស្សិតបញ្ចប់ការសិក្សានៅឆ្នាំ ២០២៤ ត្រូវបានប្រារព្ធឡើងយ៉ាងអធិកអធមនៅក្នុងកីឡាដ្ឋាននៃសាកលវិទ្យាល័យភាសាបរទេសប៉េកាំង។ និស្សិតថ្នាក់បរិញ្ញាបត្រ បរិញ្ញាបត្រជាន់ខ្ពស់ និងនិស្សិតអន្តរជាតិជាង ២៨០០ នាក់ដែលមកពីសាកលវិទ្យាល័យភាសាបរទេសប៉េកាំង បានចូលរួមក្នុងពិធីនេះ។

ឯកឧត្តម Dato' Norman Muhamad ឯកអគ្គរដ្ឋទូតម៉ាឡេស៊ីប្រចាំប្រទេសចិន លោក ចាំង ធានយី និស្សិតដែលធ្លាប់រៀននៅមហាវិទ្យាល័យច្បាប់នៃសាកលវិទ្យាល័យភាសាបរទេសប៉េកាំង និងជានាយកប្រតិបត្តិនៃក្រុមហ៊ុន Beijing Baman Tianxia Technology Co Ltd ឯកឧត្តម វ៉ាង ទីងហួ លេខាធិការគណបក្សនៃសាកលវិទ្យាល័យភាសាបរទេសប៉េកាំង ឯកឧត្តម ចា វិនជាន សកលវិទ្យាធិការនៃសាកលវិទ្យាល័យភាសាបរទេសប៉េកាំង លោកសកលវិទ្យាធិការរង ចា តឹជុង លោកលោកសកលវិទ្យាធិការរង សុន យូវជុង លោកលេខាធិការគណៈកម្មាធិការពិនិត្យវិន័យ ហ៊ូ ជឺកាង លោកសកលវិទ្យាធិការរង ទីង ហាវ និងលោកសកលវិទ្យាធិការរង ចាវ កាង បានចូលរួមពិធីប្រគល់សញ្ញាបត្រនេះ។ ឯកឧត្តម ចា វិនជាន បានថ្លែងសុន្ទរកថាដែលចំណងជើងថា "សម្រេចបានជោគជ័យដ៏ធំ  ឱបជាមួយពិភពលោក"។ ឯកឧត្តម វ៉ាង ទីងហួ បានប្រគល់លិខិតតែងតាំងជាសមាជិកក្រុមប្រឹក្សាអតីតនិស្សិតសាលារៀន និងបណ្ណអតីតនិស្សិតទៅឱ្យតំណាងអតីតនិស្សិតនៃសាកលវិទ្យាល័យភាសាបរទេសប៉េកាំង និងបានប្រគល់ទង់ជ័យដល់សមាជិកក្រុមនិស្សិតថ្នាក់អនុបណ្ឌិតទី ២៦ ដែលធ្វើជាអ្នកស្ម័គ្រចិត្តទៅបង្រៀននៅតំបន់ជនបទ។