នៅថ្ងៃទី ២៩ ខែមេសា ឆ្នាំ ២០២៤ លោកស្រី លួ វិនឈីង ប្រធានមហាវិទ្យាល័យភាសាបូព៌ានៃសាកលវិទ្យាល័យភាសាបរទេសស៊ីឈួន បានអញ្ជើញមកបំពេញទស្សនកិច្ចនៅមហាវិទ្យាល័យសិក្សាអាស៊ីនៃសាកលវិទ្យាល័យភាសាបរទេសប៉េកាំង។ លោកស្រី ស៊ូ យីងយីង ប្រធានមហាវិទ្យាល័យសិក្សាអាស៊ី និងលោក វ៉ាង ពួ អនុប្រធានមហាវិទ្យាល័យសិក្សាអាស៊ី បានទទួលជួបគណៈប្រតិភូដែលដឹកនាំដោយលោកស្រី លួ វិនឈីង។

ក្នុងឱកាសដំណើរទស្សនកិច្ចនេះ ភាគីទាំងពីរបានពិគ្រោះពិភាក្សាអំពីការអភិវឌ្ឍកម្មវិធីសិក្សា ការបណ្តុះបណ្តាលធនធានមនុស្ស ការពង្រឹងសមត្ថភាពគ្រូបង្រៀន និងកិច្ចសហប្រតិបត្តិការអន្តរជាតិជាដើម។ តាមរយៈការពិគ្រោះពិភាក្សាគ្នាយ៉ាងស៊ីជម្រៅ មហាវិទ្យាល័យទាំងពីរបានបង្កើននូវការយល់ដឹងគ្នាទៅវិញទៅមក ហើយបានកសាងមូលដ្ឋានគ្រឹះយ៉ាងរឹងមាំសម្រាប់ការពង្រឹងកិច្ចសហប្រតិបត្តិការក្នុងការអប់រំភាសាបរទេសរវាងភាគីទាំងពីរ។