នៅថ្ងៃទី ២៩ ខែមេសា ឆ្នាំ ២០២៤ ឯកឧត្តម Clifton Grima រដ្ឋមន្ត្រីក្រសួងអប់រំ កីឡា យុវជន ស្រាវជ្រាវ និងនវាវនុវត្តន៍ប្រទេសម៉ាល់ត៍ បានអញ្ជើញមកបំពេញទស្សនកិច្ចនៅសាកលវិទ្យាល័យភាសាបរទេសប៉េកាំង។ ឯកឧត្តម ចា វិនជាន សកលវិទ្យាធិការនៃសាកលវិទ្យាល័យភាសាបរទេសប៉េកាំង និងលោកសកលវិទ្យាធិការរង ចាវ កាង ទទួលគណៈប្រតិភូដែលដឹកនាំដោយឯកឧត្តម Clifton Grima។

ឯកឧត្តម Clifton Grima បានថ្លែងសុន្ទរកថាដែលមានចំណងជើងថា “ការអភិវឌ្ឍគ្រប់ជ្រុងជ្រោយនៃធនធានមនុស្សវ័យក្មេង” និងបានផ្លាស់ប្តូរគ្នាជាមួយគ្រូបង្រៀន និងនិស្សិតសាកលវិទ្យាល័យភាសាបរទេសប៉េកាំងអំពីលក្ខណៈពិសេសប្រព័ន្ធអប់រំ កម្លាំងយុវជន ការអប់រំនិងនវានុវត្តន៍ ការអភិវឌ្ឍកីឡា និងបញ្ហាមួយចំនួនទៀតរបស់ប្រទេសម៉ាល់ត៍។

មុននឹងថ្លែងសុន្ទរកថា និស្សិតរៀនភាសាម៉ាល់ត៍បានសម្តែងកម្មវិធីច្រៀងចម្រៀង “Xemx” ហើយបានទទួលការវាយតម្លៃខ្ពស់ពីសំណាក់គណៈប្រតិភូ។ ឯកឧត្តមក៏បានទស្សនាសារមន្ទីរភាសាអន្តរជាតិនៃសាកលវិទ្យាល័យភាសាបរទេសប៉េកាំង។