ពេលថ្មីៗនេះ លទ្ធផលនៃការប្រកួតថតវីដេអូខ្លីសម្រាប់អបអរសាទរបុណ្យចូលឆ្នាំថ្មីចិន ដែលផ្តល់ការណែនាំដោយនាយកដ្ឋានកិច្ចការបណ្តាញសង្គមនៃការិយាល័យបណ្តាញអ៊ីនធើណែត និងព័ត៌មានមជ្ឈិមបក្សចិន និងរៀបចំដោយការិយាល័យបណ្តាញអ៊ីនធើណែត និងព័ត៌មានក្រុងប៉េកាំង គេហទំព័រពន្លឺរស្មី និងគេហទំព័រព័ត៌មានចិន ត្រូវបានប្រកាសជាផ្លូវការ។ និស្សិតរៀនភាសាខ្មែរឈ្មោះ ស៊ីន យូឈឹន ដែលមកពីមហាវិទ្យាល័យសិក្សាអាស៊ី បានទទួលពានរង្វាន់ក្នុងការប្រកួតថតវីដេអូខ្លីនេះ។
វីដេអូខ្លីដែលថតដោយ ស៊ីន យូឈឹន បានណែនាំពីសម្បត្តិបេតិកភណ្ឌវប្បធម៌អរូបីនៅក្រុងហ្វូចូវប្រទេសចិន ដែលបានបង្ហាញឱ្យឃើញពីវប្បធម៌នាគក្នុងឱកាសឆ្លងបុណ្យចូលឆ្នាំថ្មីចិន និងក្តីសង្ឃឹមដ៏ល្អបវររបស់ប្រជាជន។
នាពេលខាងមុខ មហាវិទ្យាល័យសិក្សាអាស៊ីនឹងបន្តលើកទឹកចិត្តឱ្យនិស្សិតមហាវិទ្យាល័យចូលរួមយ៉ាងសកម្មក្នុងការប្រកួតខាងវប្បធម៌គ្រប់ប្រភេទ ដើម្បីពង្រឹងសមត្ថភាពចម្រុះរបស់និស្សិតគ្រប់រូប ទាំងលើជំនាញភាសាបរទេស ចំណេះដឹង សមត្ថភាពវប្បធម៌និងសិល្បៈ។
