នៅថ្ងៃទី ២២ ខែមេសា ឆ្នាំ ២០២៣ ពិព័រណ៍ម៉ឺនប្រទេស “ស៊ូហ្វាង” ដែលរៀបចំដោយមហាវិទ្យាល័យសិក្សាអាស៊ី និងមហាវិទ្យាល័យសិក្សាអាហ្វ្រិកនោះ បានប្រារឰនៅសាលាខាងកើតនៃសាកលវិទ្យាល័យភាសាបរទេសប៉េកាំង។ លោក សៀ យឺ លេខាបក្សនៃមហាវិទ្យាល័យសិក្សាអាស៊ី និងមហាវិទ្យាល័យសិក្សាអាហ្វ្រិក លោកស្រី ស៊ូ យីងយីង ប្រធានមហាវិទ្យាល័យសិក្សាអាស៊ី និងលោកស្រី លី ហុងហ្វឺង ប្រធានមហាវិទ្យាល័យសិក្សាអាហ្វ្រិក បានអញ្ជើញទៅទស្សនាពិព័រណ៍នេះ។ គួរបញ្ជាក់ថា ទូរទស្សន៍ជាតិចិន និងទូរទស្សន៍ខេត្តជឺជាំងបានទៅយកបទសម្ភាសន៍ និងផ្សាយព័ត៌មានអំពីពិព័រណ៍នេះ។
និស្សិតចិនដែលរៀនភាសានៃប្រទេសចំនួន ១៩ បានចូលរួមការតាំងពិព័រណ៍លើកនេះ ដោយបានបង្ហាញពីផលិតផល និងអាហារពិសេសនៃប្រទេសពាក់ព័ន្ធ។ ពិព័រណ៍ម៉ឺនប្រទេសដែលរៀបចំរៀងរាល់ ២ ឆ្នាំម្តងនោះ អាចបង្ហាញឱ្យឃើញពីទំនៀមទម្លាប់ប្រពៃណី និងវប្បធម៌ដ៏ចម្រុះពណ៌របស់បណ្តាប្រទេសនានា ព្រមទាំងគំនិតច្នៃប្រឌិតថ្មី និងសមត្ថភាពរបស់និស្សិតនៃមហាវិទ្យាល័យសិក្សាអាស៊ី និងមហាវិទ្យាល័យសិក្សាអាហ្វ្រិក។
