Համալսարանը հիմնադրել է բազմալեզու համաշխարհային մասնագիտացված գրականության ռեսուրսների կենտրոն։ Գրադարանի տպագիր նյութերի հավաքածուն ընդգրկում է մոտ 1.6 միլիոն հատոր՝ 107 լեզվով, էլեկտրոնային գրքերը գերազանցում են 1.41 միլիոնը, իսկ տպագիր թերթերն ու ամսագրերը՝ 873 տեսակ։ Տվյալների բազաների թիվը հասնում է 103-ի։ Հավաքածուն ձևավորվել է՝ կենտրոնանալով լեզվաբանության, գրականության և մշակույթի վրա։ Վերջին տարիներին՝ գիտական բնագավառների զարգացման հետ մեկտեղ, ձևավորվում է նաև քաղաքականության, տնտեսության, դիվանագիտության, իրավունքի, լրագրության, կառավարման և տարածաշրջանային ուսումնասիրությունների թեմաներով գրական ֆոնդ։
Համալսարանը շարունակաբար ամրապնդում է կրթության թվայնացման ուղղությունը՝ զարգանալով «բացություն, փոխկապակցվածություն, խելացիություն, նորարարություն և ինտեգրում» սկզբունքով։ Ստեղծվել են բազմալեզու կայքեր, թվային հարթակ, տվյալների կենտրոն, ցանցային ուսուցման համակարգեր և ուսումնական ռեսուրսների հարթակներ։ Կառուցվել է խելացի ուսուցման միջավայր, դասախոսների զարգացման խելացի հարթակ և լաբորատորիաներ՝ խթանելով դասավանդման նորարարությունն ու մասնագիտական աճը՝ հանգեցնելով մի շարք նշանավոր ձեռքբերումների։ Համալսարանն ընդգրկվել է Չինաստանի Կրթության նախարարության առաջին խմբի «Արհեստական բանականություն՝ ուսուցչական կազմի զարգացման խթանում» փորձնական ծրագրում։ Բացի այդ, կառուցվում է Աշխարհի լեզուների թանգարանը՝ որպես լեզվամշակութային նոր նշանաբեռ, և արդեն բացվել է նոր համալսարանական պատմության թանգարանը, որն ամբողջական պատկերացում է տալիս ՊՕԼՀ-ի զարգացման ընթացքի մասին։
Գրադարանը զբաղեցնում է 23,000 քառակուսի մետր ընդհանուր տարածք, ունի վեց հարկ։ Այն ընթերցողներին տրամադրում է ավելի քան 2200 ընթերցասեղան և 18 ուսումնական սենյակ։ Գրադարանում գործում են նաև ակադեմիական զեկուցումների դահլիճ, գիտական քննարկումների սրահ և վերապատրաստման դասասենյակներ։ Բացի այդ, տրամադրվում են մշակութային և հանգստի վայրեր, ինչպիսիք են ցուցասրահը, դասախոսների գրքի սրճարանը, ուսանողական գրքի սրճարանը և խորացված լեզվամշակութային կենտրոնը։
Գրադարանն ապահովված է Wi-Fi ինտերնետ կապով և ունի 24-ժամյա ինքնասպասարկման սարք, որը թույլ է տալիս ցանկացած ժամանակ վերադարձնել վերցրած գրքերը։ Այն ունի տպիչներ, պատճենահանող սարքեր, սկաներներ, գրքերի վերցման և վերադարձի սարքեր, էլեկտրոնային նավիգատորներ, էլեկտրոնային թերթ և այլ ինքնասպասարկման տեխնիկական միջոցներ։ Գրադարանում առանձին տարածքներ են հատկացված էլեկտրոնային ընթերցանության և մուլտիմեդիա ուսուցման համար։ Ներկայացված են նաև հարմար տեղեկատվական ցուցադրման համակարգեր։
ՊՕԼՀ-ի գրադարանը, հետևելով համալսարանի «օտար, յուրահատուկ, նրբաճաշակ» կրթական փիլիսոփայությանը, մարդակենտրոն է և արագ արձագանքում է գիտելիքահեն տնտեսության և թվային զարգացման փոփոխություններին։ Այն ընթերցողներին տրամադրում է ամբողջական տեղեկատվական ծառայություններ և ակադեմիական աջակցություն՝ շնորհիվ իր հարուստ գրական հավաքածուի, հարմարավետ ուսումնական միջավայրի, օգտատերերին հարմարեցված ծառայությունների և բարձրակարգ սարքավորումների։
Գրադարանը հավատարիմ է օտար լեզուներով ակադեմիական և այլ ռեսուրսների կուտակման առաքելությանը և նպատակ ունի դառնալ միջմշակութային և համալսարանների ներսում ինտեգրման ռեսուրսային և մշակութային փոխանակման կենտրոն։
