Դեկտեմբերի 24-ին Չինաստանում Ուրուգվայի դեսպան Անիբալ Կաբրալն այցելեց Պեկինի օտար լեզուների համալսարան (ՊՕԼՀ): Դեսպանին և նրա գլխավորած պատվիրակությանը ընդունեց համալսարանի ռեկտոր` Կոմունիստական կուսակցության կոմիտեի քարտուղարի տեղակալ Ծյա Վենծյանն ու Կոմունիստական կուսակցության կոմիտեի մշտական հանձնաժողովի անդամ և պրոռեկտոր Ճաո Գանը։
Ծյա Վենծյանը ներկայացրեց համալսարանի առարկաների զարգացման, միջազգային փոխանակումների, ինչպես նաև իսպաներեն լեզվի և լատինաամերիկյան ուսումնասիրությունների ծրագրի կառուցման ներկա վիճակը: Նա վերհիշեց համալսարանի և Ուրուգվայի առաջնորդների ու բուհերի միջև անկեղծ շփումներն ու փոխգործակցությունը՝ ընդգծելով, որ համալսարանը մեծ կարևորություն է տալիս Ուրուգվայի և Լատինական Ամերիկայի այլ երկրների հետ համագործակցությանը։ Նա հույս հայտնեց, որ կրթական փոխգործակցության և երիտասարդական երկխոսության միջոցով կամրապնդվեն ժողովուրդների փոխըմբռնումն ու բարեկամական հարաբերությունները:
Դեսպան Կաբրալը նշեց, որ շատ ուրախ է կրկին այցելել ՊՕԼՀ: Նա իր անկեղծ երախտագիտությունը հայտնեց միջազգային տաղանդների պատրաստման ու մշակութային փոխանակումների խթանման գործում համալսարանի ունեցած նշանակալի դերի համար: Նա հանձնառություն հայտնեց ամրապնդել հետագա համագործակցությունը և ակտիվացնել երկկողմ շփումները` ներառյալ երիտասարդական փոխանակումներն ու գիտական միջոցառումները:
