Հոկտեմբերի 16-ին ՊՕԼՀ-ում կայացավ «Ապագայի պայմանագրի իրականացման հարցով համալսարանական երկխոսությունը», որը համատեղ կազմակերպել էին ՄԱԿ-ի համալսարանը, Չինաստանում ՄԱԿ-ի գրասենյակը, Պեկինի օտար լեզուների համալսարանը (ՊՕԼՀ) և Հարավաֆրիկյան Քեյփթաունի համալսարանը:

Երկխոսությունը միավորեց ՄԱԿ-ի համակարգի ներկայացուցիչներին, Չինաստանի կրթության նախարարության, ինչպես նաև տարբեր մայրցամաքների համալսարանների ներկայացուցիչներին՝ քննարկելու բարձրագույն ուսումնական հաստատությունների դերը «Ապագայի պայմանագրի» առաջմղման և ՄԱԿ-ի Կայուն զարգացման 2030 օրակարգի իրականացման գործում։

Կրթության նախարարության Միջազգային համագործակցության և փոխանակման վարչության տեղակալ Լի Հայն ասաց, որ «Ապագայի պայմանագիրը» ներկայացնում է գլոբալ կառավարման մեծածավալ ծրագիր՝ ՄԱԿ-ի 80-ամյակի առթիվ։

Նա ներկայացրեց երեք առաջարկ․

·Կառուցել համաձայնություն՝ հնարավորությունները կիսելու համար,

 ·Հետապնդել բաց համագործակցություն՝ ընդհանուր զարգացման համար,

·Ընդունել առաքելությունը՝ համատեղ ստեղծելու ապագան։

Լի Հայը հաստատեց նախարարության շարունակական աջակցությունը համալսարաններին՝ խորացնելու միջազգային գործընկերների հետ համագործակցությունը՝ գիտելիքների փոխանակումն ու քաղաքակրթությունների միջև փոխադարձ ուսուցումն առաջ մղելու նպատակով։

ՄԱԿ-ի գլխավոր քարտուղարի գործադիր գրասենյակի «Ապագայի պայմանագրի իրականացման» տնօրենի պաշտոնակատար Թեմբա Կաուլան ընդգծեց, որ համալսարանները կարևոր կամուրջ են՝ միավորելով քաղաքականությունը գործնական գործողությունների և ձգտումները՝ իրականության հետ։

Նա բարձր գնահատեց չինական համալսարանների ակտիվ նախաձեռնությունները բազմակողմ համագործակցության, երիտասարդության ներգրավման և թվային կառավարման ոլորտներում՝ կոչ անելով աշխարհի համալսարաններին համատեղ կառուցել ապագային ուղղված գիտելիքային համայնք։

ՊՕԼՀ-ի կուսակցության կոմիտեի քարտուղար Վան Դինխուան ներկայացրեց երեք գործնական ուղղություն․

·Կրթությունը որպես կամուրջ,

·Երկխոսությունը որպես կապող օղակ,

·Համագործակցությունը որպես ուժ։

Նա նշեց, որ ՊՕԼՀ -ն կօգտվի այս երկխոսությունից՝ իր լեզվաբանական և միջմշակութային ուսումնասիրությունների առավելությունները առավել արդյունավետ օգտագործելու համար՝ նպաստելով համալսարանների համաշխարհային համագործակցության ցանցի ստեղծմանը։

ՄԱԿ-ի համալսարանի Քաղաքական հետազոտությունների կենտրոնի տնօրեն Ադամ Դեյը նշեց, որ այս երկխոսությունը օգնում է համալսարաններին ավելի լավ համահունչվել «Ապագայի պայմանագրի» նպատակներին՝ հնարավորություն ընձեռելով երիտասարդներին, գիտնականներին և մանկավարժներին ներգրավվել աշխարհի ամենահրատապ խնդիրների լուծման գործում։

Հանդիպման ընթացքում պաշտոնապես մեկնարկեց «Համալսարանների գործողությունների պլանը՝ Ապագայի պայմանագիրը իրականացնելու համար», որը նախատեսում է ստեղծել «Ապագայի համալսարանների կոալիցիան»։