Pinamunuan ni Presidente Peng Long ng Unibersidad ng Pag-aaral na Panlabas ng Beijing (BFSU) ang delegasyon ng pamantasan papuntang Panama, Ecuador at Argentina mula ika-13 hanggang ika-21 ng Setyembre, 2018. Sa biyahe, binisita nila ang ilang kilalang unibersidad na kinabibilangan ng Universidad de Panama, Universidad de Cuenca, Universidad Central del Ecuador, Catholic University of Argentina, University of Buenos Aires, University of Cordoba, at Fundacion UADE, para pag-usapan ang pagkakataon ng pagpapalitan at lumagda sa mga kasunduang pangkooperasyon. Nag-courtesy call din ang delegasyon sa mga embahador na Tsino na nakatalaga sa Panama at Ecuador.