මාර්තු මස 21 වන දින, බෙලරුසියානු රාජ්‍ය විශ්වවිද්‍යාලයේ කුලපති ඇන්ඩ්‍රි කොරොල් මහතා, බෙයිජිං විදේශ භාෂා විශ්වවිද්‍යාලයට නියෝජිත කණ්ඩායමක් සමඟ පැමිණියේ ය. පක්ෂ කමිටුවේ නියෝජ්‍ය ලේකම් සහ බෙයිජිං විදේශ භාෂා විශ්වවිද්‍යාලයේ උපකුලපති ජියා වෙන්ජියන් මහතා නියෝජිත පිරිස හමු විය.
දෙපාර්ශවය විසින් අධ්‍යයන හුවමාරුව, ගුරු පුහුණුව සහ දුරස්ථ අධ්‍යාපනය වැනි ක්ෂේත්‍රවල සහයෝගීතාව පුළුල් කිරීම සහ ක්‍රියාත්මක කිරීම පිළිබඳව සාකච්ඡා පවත්වන ලදී. ජියා වෙන්ජියන් මහතා කොරොල් මහතා වෙත “චීනයේ ස්ලාවික් අධ්‍යයනය” නම් කෘතියේ කතුවරයෙකු ලෙස පත්වීම් ලිපියක් නිකුත් කළේ ය.
