Nga 16 deri në 24 prill, Jia Wenjian, rektor dhe zëvendëssekretar i Komitetit të PK i BFSU-së, udhëhoqi një delegacion në një vizitë në Kazakistan, Uzbekistan dhe Kirgistan. Delegacioni vizitoi disa universitete, duke përfshirë Universitetin Kombëtar Kazak Al-Farabi, Universitetin e Marrëdhënieve Ndërkombëtare dhe Gjuhëve Botërore Ablai Khan dhe Universitetin Nazarbayev në Kazakistan; Universitetin Ndërkombëtar të Turizmit dhe Trashëgimisë Kulturore "Rrugë e Mëndafshit", Universitetin Shtetëror të Gjuhës dhe Letërsisë Uzbeke Alisher Navoiy dhe Universitetin Kombëtar Mirzo Ulugbek në Uzbekistan; si dhe Universitetin Kombëtar Jusup Balasagyn dhe Universitetin Shtetëror të Bishkekut në Kirgistan, duke diskutuar çështje të bashkëpunimit ndëruniversitar.

Gjatë vizitës, delegacioni u takua me përfaqësues të Konsulatasë së Përgjithshme të Kinës në Almati, Ambasadës së Kinës në Kazakistan, Ambasadës së Kinës në Uzbekistan dhe Ambasadës së Kinës në Kirgistan, si dhe me Ministrinë e Arsimit dhe Shkencës së Kirgistanit. Për më tepër, delegacioni kreu edhe një vlerësim të gjendjes në Kompaninë e Zhvillimit të Parkut Industrial "Peng Sheng", një ndërmarrje të përbashkët kineze-uzbeke, si dhe në Kompaninë Kombëtare Hekurudhore të Kirgistanit, e cila është pjesë e projektit të hekurudhës Kinë-Kirgistan-Uzbekistan.

    Kjo vizitë në Uzbekistan dhe Kirgistan është vizita e parë e realizuar nga BFSU në këto vende. Delegacioni arriti një konsensus të gjerë me partnerët nga tre vendet e Azisë Qendrore mbi çështje të tilla si forcimi i mëtejshëm i mësimdhënies së gjuhëve zyrtare të pesë vendeve të Azisë Qendrore dhe trajnimi i profesionistëve në këtë fushë, zhvillimi i kërkimeve të përbashkëta shkencore dhe bashkëpunimi në fushën e arsimit me universitete të njohura të rajonit, përgatitja e përbashkët e talenteve të nivelit të lartë në përkthimin nga rusishtja, kinezishtja dhe gjuhët e Azisë Qendrore, si dhe tërheqja e studentëve dhe mësimdhënësve nga Azia Qendrore për të studiuar në Kinë. U nënshkruan marrëveshje bashkëpunimi dhe memorandume mirëkuptimi përkatëse.