Nga 8 deri më 17 prill, Wang Dinghua, sekretar i Komitetit të Partisë të BFSU-së, kryesoi delegacionin në Nepal, Vietnam dhe Indonezi. Ai vizitoi disa universitete dhe institucione shtetërore si Universitetin Tribhvan, Universitetin e Katmandus, Kampusin e Universitetit të Sanskritit në Katmandu, Universitetin e Drejtësisë të Hanoit, Universitetin e Tregtisë së Jashtme të Vietnamit, Universitetin e Drejtësisë pranë Universitetit HUE, degën Bandung të Qendrës për Zhvillim dhe Ndërtim Gjuhësor të Ministrisë së Arsimit të Indonezisë, si dhe Universitetin e Arsimit të Indonezisë, ku eksploruan rrugë të reja për bashkëpunim me universitetet më prestigjoze të gjuhëve të huaja, tregtare, ligjore dhe arsimore në vendet e Azisë Jugore dhe Juglindore.

Kjo vizitë synon që të krijohen mënyra të reja bashkëpunimi me institucionet e qeverive të këtyre vendeve, të formohen modele të reja bashkëpunimi për studimet kombëtare dhe rajonale, si dhe të zgjerohen mësimdhënia, kërkimi dhe shkëmbimet e pedogogëve dhe studentëve.

Gjatë vizitës, Wang Dinghua dhe delegacioni i tij vizituan edhe ambasadat e Kinës në Nepal, Vietnam dhe Indonezi, konsullatën e përgjithshme të Kinës në Qytetin e Ho Chi Minh, takuan ish-studentët jashtë vendit, vizituan disa ndërmarrje, si dhe krijuan Shoqatën e ish-studentëve në Indonezi, e cila është e njëmbëdhjeta shoqatë e BFSU-së jashtë Kinës.