Бээжингийн Гадаад судлалын их сургуулийн Ази судлалын сургуулийн танилцуулга
1961 онд Ерөнхий сайд Жоу Энлайгийн алсын хараатай шийдвэр нь дор Бээжингийн Гадаад хэлний их сургуулийн Ази, Африкийн хэлний тэнхим байгуулагдав. 2001 онд Боловсролын яамнаас түгээмэл бус гадаад хэлээр бакалаврын түвшний авъяас чадварыг төлөвшүүлэх үндэсний бааз болгон баталсан. 2007 онд тус тэнхимийг Ази, Африк судлалын сургууль болгон өөрчилсөн бөгөөд Боловсролын яам болон Бээжингийн дээд боловсролын байгууллагуудаас мэргэшсэн мэргэжлийн хичээлүүдийг үзүүлэх газар болгон томилсон. Ази судлалын сургууль нь 2019 онд албан ёсоор нээлтээ хийж, Хятад улсын гадаад хэлний сургуулиудын хамгийн олон Ази хэл заадаг, хамгийн урт түүхтэй дээд сургуулиудын нэг болсон.
Тус сургууль нь нийт 30 хэлний мэргэжлээр суралцдаг бөгөөд тэдгээрийн найм нь улсын хэмжээнд цорын ганц төрөлжсөн хөтөлбөр юм. Солонгос, Малай, Сингал, Тайланд, Турк, Перс, Камбож, Лаос, Бирм, Хинди, Вьетнам, Индонези, Бенгал, Санскрит, Пали зэрэг 14 мэргэжлийг “Үндэсний нэгдүгээр зэрэглэлийн бакалаврын зэрэг”-ээр тодруулсан. Филиппин, Монгол, Балба, Урду, Еврей, Армян зэрэг зургаан хөтөлбөрийг “Бээжингийн нэгдүгээр зэрэглэлийн бакалаврын хөтөлбөр” гэж тодорхойлсон. Тус сургуулийг 2014 онд Ази, Африкийн бүс нутгийн судлалын дунд хичээлийг байгуулахаар баталж, 2015 онд Бүс судлалын сургалт, судалгааны тэнхимийг байгуулжээ.
Манай дээд сургууль нь Өмнөд Ази судлалын төв, Зүүн Өмнөд Ази судлалын төв, Хятад-Малай судлалын төв, Вьетнам судлалын төв, Иран судлалын төв, Камбож судлалын төв, Лаос судлалын төв, Энэтхэг судлалын төвөөс бүрддэг. Энэ нь Боловсролын яаманд бүртгэлтэй бүс нутаг ба олон улсын судлалын төв юм.
Манай дээд сургуульд одоогоор 75 хятад багш ажилладаг бөгөөд тэдний 45 хувь нь профессор, дэд профессор, 80 хувь нь докторын зэрэгтэй. Мөн жил бүр 20 гаруй урт хугацааны гадаад мэргэжилтэнг багшийн ажилд авдаг. Манай дээд сургууль нь нь Ази, Европ, Америк тивийн 20 гаруй нэр хүндтэй их сургууль, эрдэм шинжилгээний байгууллагуудтай хамтын ажиллагаа, солилцооны харилцаа тогтоож, олон түвшний, иж бүрэн олон улсын хамтын ажиллагаа, солилцоонд идэвхтэй оролцдог.
Олон жилийн турш Азийн коллеж нь гадаад хэлний тэнхимүүдийн уламжлалт хөгжлийн замыг туулж, хэлний хөтөлбөрийг үндэсний хөгжлийн стратегитай уялдуулж, авьяас чадварыг хөгжүүлэх ажлыг Азийн бүс нутгийн асуудлыг судлахтай уялдуулан, Азийн түгээмэл бус хэлний хичээлийн хөгжлийн ерөнхий түвшинг тасралтгүй дээшлүүлсээр ирсэн. Манай дээд сургууль нь эх орныхоо төлөөх дэлхийн алсын хараатай, мэргэжлийн ур чадвар бүхий олон тооны мэргэжилтнүүдийг бэлтгэсэн. Хөтөлбөр нь бакалавр, магистр, докторын зэрэг олгодог. Төгсөгчид үндэсний яам, комисс, аж ахуйн нэгж, их дээд сургууль, хэвлэл мэдээллийн хэрэгсэл, эрдэм шинжилгээний хүрээлэн, бусад хэлтэст идэвхтэй ажиллаж, манай улс болон Азийн орнуудын найрсаг солилцоог дэмжихэд чухал үүрэг гүйцэтгэсээр ирсэн.
Монгол хэлний мэргэжил
Монгол хэл нь Хятад улсын чухал хөрш орон Монгол улсын албан ёсны хэл бөгөөд Бээжингийн гадаад хэлний их сургуулийн монгол хэлний мэргэжил 2015 онд бий болж, 2019 онд албан ёсоор мэргэжлийн бакалаврын зэрэг олгох сургалт явуулж эхлэв.
Бүх Хятад улсын хэмжээнд Бээжингийн гадаад хэлний их сургууль нь гадаад хэл, уран зохиолын шинжлэх ухааны салбарын хүрээнд монгол хэлний мэргэжлээр элсэлт авдаг гурав дахь их сургууль бөгөөд 2021 онд тус сургууль нь “Бээжин хотын нэгдүгээр зэрэглэлийн бакалаврын зэрэгтэй мэргэжил олгодог байгууллагаар” батламжлагдсан.
Манай мэргэжлээр 2 хятад багш, 1 гадаад （Монгол）улсын багштай бөгөөд тэд докторын зэрэгтэй, багшлах болон судалгаа шинжилгээний арвин туршлагатай. Үүний зэрэгцээ сургалт, эрдэм шинжилгээний судалгааны нилээд амжилт гаргасаар ирсэн.
Монгол хэлний мэргэжлээр өндөр түвшний, тал бүрийн авьяас чадвартай хүнийг бэлтгэх зорилготой бөгөөд оюутнуудын гадаад хэлний суурь мэдлэгийг сайжруулах, мэргэжлийн ур чадварыг хөгжүүлэхэд чухалчлан анхаарч, бакалаврын дөрвөн жилийн суралцах хугацаанд сонсох, ярих, унших, бичих, орчуулах зэрэг үндсэн хичээлүүдээс гадна уран зохиол, түүх, нийгэм, орон судлал болон бүс нутаг судлалын чиглэлийн хичээлүүдийг заадаг. Багш нарын сургалтын ур чадвар нь Хятад улсад ижил мэргэжлийн сургалт явуулдаг байгууллагын хэмжээнд тэргүүн зэрэглэлийн түвшинд хүрэв.
Мөн оюутнууд олон улсын бизнес, сэтгүүл зүй, хууль эрх зүй, англи хэл гэх мэт хос мэргэжлээр суралцах боломжтой.
Бид МУИС-тай хамтын ажиллагааны санамж бичгийг байгуулсан. Ингэснээр, оюутанууд гуравдугаар курстээ тэтгэлэг авч Монгол улсад суралцах боломжтой болсноор мэдлэгээ харилцан солилцож, алсын хараатай, бодитоор мэдлэг туршлагаа тэлж Хятад-Монгол хоёр улсын ард түмний найрсаг харилцааны элч болох юм. Түүнчлэн, манай мэргэжилээр Монгол улсын нийгэм, соёлын чиглэлээр магистрт элсэлт авдаг.
Монгол хэлний мэргэжлээр бакалаврын зэрэгтэй төгсөгчид голчлон төрийн байгууллага, хэвлэл мэдээлэл, шинжлэх ухааны судалгааны байгууллага зэрэг албан газруудад ажиллана. Зарим нь дотоод, гадаадын нэр хүндтэй их, дээд сургуулиудад магистрт мэргэжил дээшлүүлэн суралцахыг сонгодог.
Та бүхнийг монгол хэл сурахаар манай их сургуульд суралцахыг урьж байна. Хэлээр дамжин соёл-иргэншлийн солилцоо, харилцан суралцах холбоос болцгооё!
