BEIJING FOREIGN

STUDIES UNIVERSITY

ຄະນະພາສາ​ແລະສະຖາບັນວັດທະນະທຳພາສາ

ເອີລົບແມ່ນສາຂາວິຊາທີ່ມີປະຫວັດສາດດົນນານທີ່ສຸດ,ມີຈຳນວນພາສາຫຼາຍທີ່ສຸດ ແລະ ມີລະດັບປະລິນຍາທີ່ຄົບຖ້ວນທີ່ສຸດໃນຈີນແລະ ມີພາສາທີ່ບໍ່ໄດ້ນຳໃຊ້ຫຼາຍ ແລະ ທົ່ວໄປ, . ໄດ້ສ້າງຕັ້ງຂຶ້ນໃນປີ 1954. ປະຈຸບັນ ຄະນະໄດ້ມີວິຊາພາສາຕ່າງປະເທດຈໍານວນ 23 ພາສາ, ເຊິ່ງໃນນັ້ນມີ 15 ພາສາແມ່ນມີແຕ່ຢູ່ໃນຄະນະນີ້ໃນທົ່ວປະເທດຈີນ. ສູນຄົ້ນຄວ້າທະວີບເອີລົບກາງ ແລະ ຕາເວັນອອກທີ່ເປັນສະຖານທີ່ຝຶກອົບຮົມການຄົ້ນຄວ້າພາກພື້ນ ແລະ ປະເທດຂອງກະຊວງສຶກສາທິການ, ຕົ້ນຕໍແມ່ນອີງໃສ່ກຳລັງການສິດສອນ ແລະ ຄົ້ນຄວ້າວິທະຍາສາດ ຂອງວິຊາພາສາປະເທດເອີລົບກາງ ແລະ ຕາເວັນອອກຂອງຄະນະ ພາສາ​ແລະວັດທະນະທຳເອີລົບ. ນອກນັ້ນ ຍັງມີສູນຄົ້ນຄວ້າປະເທດແຟັງລັງ, ສູນຄົ້ນຄວ້າປະເທດໂປ​ໂລ​ຍ, ສູນຄົ້ນຄວ້າທະວີບເອີລົບເໜືອ ແລະ ອື່ນໆ. ຜ່ານການພັດທະນາ​ເປັນເວລາ 60 ປີຜ່ານ​ມາ,ຄະນະພາສາ​ແລະວັດທະນະທຳ ເອີລົບໃນມື້ນີ້ໄດ້ກາຍເປັນສູນກໍ່ສ້າງຜູ້ມີຄວາມຮູ້ຄວາມສາມາດດ້ານພາສາ​ເອີ​ລົບທີ່ບໍ່ນຳໃຊ້ທົ່ວໄປໃຫ້ແກ່ປະເທດ, ເປັນຖານຄົ້ນຄວ້າພາສາ ແລະ ວັດທະນາທຳຂອງປະເທດ ແລະ ເປັນປ່ອງຢ້ຽມອັນສຳຄັນຂອງການແລກປ່ຽນການສຶກສາ ແລະ ວັດທະນະທຳລະຫວ່າງ ຈີນ ກັບ ເອີລົບ.

ຄະນະພາສາ​ແລະວັດທະນະທຳເອີລົບ ສາມາດມອບໃບປະກາດປະລິນຍາເອກ ແລະ ປະລິນຍາໂທ,ເຊິ່ງເປັນວິຊາອັນສຳຄັນຂອງນະຄອນຫຼວງປັກກິ່ງ. ໃນເດືອນກັນຍາ ປີ 2015 ຄະນະວິຊາມີນັກສຶກສາປະລິນຍາຕີຈໍານວນ 409 ຄົນ, ນັກ​ສຶກສາ​ປະລິນຍາໂທຈໍານວນ 24 ຄົນ ແລະນັກ​ສຶກສາປະລິນຍາເອກຈໍານວນ 10 ຄົນ. ຄະນະພາສາ​ແລະວັດທະນະທຳ ເອີລົບໃຫ້ຄວາມສຳຄັນຕໍ່ການເຕີບໂຕຢ່າງຮອບດ້ານຂອງນັກສຶກສາຢ່າງສະເໜີຕົ້ນສະເໝີປາຍ ແລະ ບຳລຸງສ້າງບຸກຄະລາກອນທີ່ມີຄຸນນະພາບສູງແບບສັງ​ລວມ ແລະ ຫຼາຍພາສາ ດ້ວຍວິທີຫຼາຍຊ່ອງທາງ ແລະ ຮອບດ້ານ. ໃນໄລຍະຮຽນນັກສຶກສາຈະຮັບການຝຶກອົບຮົມ ຄວາມສາມາດພື້ນຖານດ້ານພາສາຢ່າງໝັ້ນແກ່ນ,ພ້ອມກັນນັ້ນກໍ່ໄດ້ຮຽນຄວາມຮູ້ວັດທະນະທຳ ແລະ ສະພາບການຂອງປະເທດ ແລະ ພາກພື້ນທີ່ກ່ຽວຂ້ອງ, ນັກສຶກສາສ່ວນຫຼາຍມີໂອກາດໄປຮຽນຢູ່ຕ່າງປະເທດ ເປັນເວລາ ເຄິ່ງປີຫາປີໜຶ່ງ. ມະຫາວິທະຍາໄລພະຍາຍາມບຳລຸງສ້າງບຸກຄະບາກອນດ້ານພາສາຕ່າງປະເທດທີ່ມີຫຼາຍຮູບຫຼາຍແບບ ແລະ ລະດັບສູງໂດຍຜ່ານຫຼາຍຮູບແບບ ຄື ຮຽນພາສາອັງກິດ,ຮຽນສອງສາຂາວິຊາ,ເລືອກຮຽນພາສາ ທີ 3 ແລະ 4 ແລະ ອື່ນໆ.

ປະຈຸບັນ,ຄະນະພາສາ​ແລະວັດທະນະທຳເອີລົບມີພະນັກງານ 49 ທ່ານ,ເຊິ່ງໃນນັ້ນມີອາຈານ 48 ທ່ານ. ໃນບັນດາອາຈານມີ ສາສະດາຈານ 05 ທ່ານ (ລວມທັງອາຈານຊີ້ນຳປະລິນຍາເອກ 04 ທ່ານ), ຮອງສາສະດາຈານ 13 ທ່ານ ແລະ ມີປະລິນຍາເອກຈໍານວນ 14 ທ່ານ. ການໃຫ້ຄວາມສຳຄັນທັງການສິດສອນ ແລະ ການຄົ້ນຄວ້າວິທະຍາສາດນັ້ນແມ່ນປະເພນີອັນດີງາມຂອງຄະນະພາສາ​ແລະວັດທະນະທຳ ເອີລົບເຊິ່ງໄດ້ປະກົດ​ຕົວ​ຂຶ້ນໃນການດຳ​ເນີນການສິດສອນໃນຫຼາຍປີຜ່ານມາ. ຄະນະໄດ້ສ້າງຕັ້ງວາລະສານວິຊາການຄື 《ເອີລົບຕາເວັນອອກ》《ການຄົ້ນຄວ້າພາສາ​ແລະວັດທະນະທຳ ເອີລົບ》《ການສອນ ແລະ ຮຽນພາສາເອີລົບ》ແລະອື່ນໆ ແລະສຸມໃສ່ ປະຕິບັດການຄົ້ນຄວ້າຫຼາຍພາສາ ແລະ ວັດທະນະທຳຫຼາຍປະເພດຂອງເອີລົບ. ຄະນະພາສາ​ແລະວັດທະນະທຳເອີລົບໄດ້ຮັບຜົນສຳເລັດອັນປະເສີດເລີດລ້ຳຈຳນວນໜຶ່ງ ໃນການສ້າງປຶ້ມຕໍາລາຮຽນ,ຮຽບຮຽງປຶ້ມຄູ່ມື, ການແປບົດວັນນະຄະດີ, ການແລກປ່ຽນດ້ານວັດທະນະທຳ ແລະ ອື່ນໆ, ໄດ້ຮັບຄວາມຍ້ອງຍໍຊົມ​ເຊີຍຈາກວົງການຕ່າງໆ ແລະ ໄດ້ປະກົດມີອາຈານທີ່ມີຊື່ສຽງຈຳນວນໜຶ່ງ ຄື ທ່ານ ນາງ Yi Lijun, ທ່ານ Feng Zhichen, ທ່ານ Gong Kunyu, ທ່ານ Wang Jun, ທ່ານ Ding Chao ແລະ ອື່ນໆ.

ຄະນະພາສາ​ແລະວັດທະນະທຳເອີລົບໄດ້ເປັນປະຕູໃນການແລກປ່ຽນລະຫວ່າງ ຈີນ ແລະ ເອີຣົບ,ໃນແຕ່ລະປີໄດ້ຕ້ອນຮັບຄະນະຜູ້ແທນລະດັບສູງຂອງແຕ່ລະປະເທດ.ທັງ​ອາຈານ​ແລະ​ນັກ​ສຶກສາ​ພາຍ​ໃນ​ຄະນະ​ໄດ້ຍຶດໝັ້ນຄວາມສາມັກຄີປອງດອງກັນ,ສະ​ແຫວ​ງຫາ​ຄວາມ​ດີ​ເລີດ, ເຊິ່ງໄດ້ສ້າງຄວາມປະທັບໃຈຢ່າງເລິກເຊິ່ງໃຫ້ແກ່ຄະນະຜູ້ແທນທີ່ມາຢ້ຽມຢາມ.

ໃນດ້ານໜຶ່ງຄູອາຈານໃນຄະນະວິຊາ ໄດ້ແນະນຳ,ສິດສອນພາສາ ແລະ ວັດທະນະທຳຫຼາຍຮູບແບບຂອງເອີລົບໃຫ້ແກ່ປະເທດຈີນ ແລະ ອີກດ້ານໜຶ່ງກໍ່ມີພາລະໜ້າທີ່ອັນສໍາຄັນ ໃນການແນະນຳ ແລະ ໂຄສະນາປະເທດຈີນໃຫ້ແກ່ບັນດາປະເທດເອີລົບ. ໃນຊຸມປີທີ່ຜ່ານມາ, ອາຈານໃນຄະນະໄດ້ຮັບຕຳແໜ່ງຜູ້​ອຳນວຍ​ການ​ຝ່າຍ​ຈີນຂອງສະຖາບັນຂົງຈື ຢູ່ມະຫາວິທະຍາໄລ Lorand ຂອງປະເທດ ຮົງກາລີ, ສະຖາບັນຂົງຈື ຢູ່ນະຄອນ Krakow ປະເທດ ໂປໂລຍ, ສະຖາບັນຂົງຈື ຂອງມະຫາວິທະຍາໄລ Sofia ປະເທດ ບຸນກາລີ, ສະຖາບັນຂົງຈື ຂອງມະຫາວິທະຍາໄລ ​Palacky ຂອງປະເທດ ເຊັກໂກ ແລະ ສະຖາບັນຂົງຈື ຂອງມະຫາວິທະຍາໄລ Rome ຂອງປະເທດອີຕາລີ ແລະໄດ້ປະກອບສ່ວນ ຂອງຕົນ ເຂົ້າໃນການ​ເຜີຍ​ແຜ່ວັດທະນະທຳຈີນ​ໄປສູ່​ຕ່າງປະ​ເທດ.

ທີ່ຢູ່:ເລກທີສອງຖະຫນົນວົງວຽນຮອບສາມເຫນືອ,ເຂດໄຫຕ້ຽນ,ນະຄອນຫລວງປັກກິ່ງ,ປະເທດຈີນ,ຕູ້ໄປສະນີເລກທີ 100089

ພະແນກເຮັດວຽກການຮ່ວມືແລະພົວພັນສາກົນ

ພະແນກເຮັດວຽກຂອງສະຖາບັນຂົງຈື້

ຫ້ອງການນັກສຶກສາຕ່າງປະເທດ

ຫ້ອງການມະຫາວິທະຍາໄລ

Copyright@BFSU.Support by ITC