ສະຖາບັນທຸລະກິດສາກົນຂອງມະຫາວິທະຍາໄລ ພາສາຕ່າງປະເທດ ປັກກິ່ງ ສ້າງຕັ້ງຂຶ້ນໃນປີ 2001, ເຊິ່ງເປັນໜຶ່ງໃນບັນດາສະຖາບັນທີ່ ມີຂະໜາດໃຫຍ່ທີ່ສຸດຂອງ ມະຫາວິທະຍາໄລພາສາຕ່າງປະເທດປັກກິ່ງ. ໂຄງການບຳລຸງກໍ່ສ້າງບຸກຄະລາກອນລວມມີ ປະລິນຍາຕີ, ປະລິນຍາຕີຮ່ວມກັບຕ່າງປະເທດ, ປະລິນຍາໂທວິຊາການ, ປະລິນຍາເອກ, ປະລິນຍາໂທວິຊາສະເພາະ, ປະລິນຍາຕີສອງໃບປະກາດ, ການຝຶກອົບຮົມ ສຳລັບຄະນະຄຸ້ມຄອງຂັ້ນສູງ ແລະ ອື່ນໆ, ປະຈຸບັນມີນັກສຶກສາສົມບູນພັນກວ່າຄົນ ແລະ ນັກສຶກສາຕ່າງປະເທດສົມບູນເກືອບ 400 ຄົນ, ນັກສຶກສາ200 ຄົນ ຮຽນຢູ່ສູນອົບຮົມກ່ອນອອກໄປຮຽນຢູ່ຕ່າງປະເທດທີ່ຂຶ້ນກັບກະຊວງສຶກສາທິການ ແລະ ນັກສຶກສາມາຈາກ 50 ກວ່າປະເທດຂອງທົ່ວໂລກ.
ພວກເຮົາເປັນເຈົ້າການຊຸກຍູ້ການສຶກສາການຄ້າຈີນຢ່າງຕັ້ງໜ້າໃນຍຸກໂລກາພິວັດ, ສ້າງນັກສຶກສາໃຫ້ມີຄວາມຢາກຮູ້ຢາກເຫັນຕໍ່ໂລກພາຍນອກ. ສ້າງນັກສຶກສາໃຫ້ກາຍເປັນຄົນເກັ່ງໃນວົງການທຸລະກິດ ແລະ ສ້າງໃຫ້ມີຈິດໃຈເຂັ້ມແຂງມີພາວະຜູ້ນໍາ, ກາຍເປັນຜູ້ທີ່ກ້າຕັດສິນໃຈ,ກ້າຄິດກ້າທໍາ ແລະ ມີຄວາມຮັບຜິດຊອບຕໍ່ໜ້າທີ່ວຽກງານ ໂດຍຜ່ານຄວາມພະຍະຍາມຂອງບັນດາອາຈານ ນັກສຶກສາ ແລະ ນັກສືກສາທີ່ໄດ້ຮຽນຈົບ ເພື່ອໃຫ້ກາຍເປັນຄະນະວິຊາທໍາອິດທີ່ມີຫຼາຍພາສາ,ວັດທະນະທໍາ, ມີຄວາມຫຼາກຫລາຍສີສັນໃນຍຸກໂລກາພິວັດ. ເຊື່ອມຕໍ່ວັດທະນະທຳທຸລະກິດຂອງຈີນ ແລະ ສາກົນ ແລະ ບົ່ມສ້້າງຜູ້ນຳພາການຄ້າໃນອະນາຄົດ ທີ່ມີວິໃສທັດກວ້າງໄກ ແລະ ມີຄວາມຮັບຜິດຊອບຕໍ່ສັງຄົມ.
ສະຖາບັນທຸລະກິດສາກົນໄດ້ຮັບຜົນສຳເລັດຈຳນວນໜຶ່ງໃນດ້ານການສຶກສາ,ການຄົ້ນຄວ້າ,ການບໍລິການສັງຄົມ,ການຮ່ວມມືສາກົນ ແລະ ອື່ນໆ. ໃນວົງການວິຊາການຄຸ້ມຄອງເສດຖະກິດຂອງຄະນະທຸລະກິດສາກົນໄດ້ຖືກກຳນົດເປັນສາຂາວິຊານອນໃນໂຄງການ“211” ແຫ່ງຊາດ ໂດຍມະຫາວິທະຍາໄລ ພາສາຕ່າງປະເທດປັກກິ່ງໃນປີ 2002 ແລະ ໄດ້ຮັບການອະນຸມັດໃຫ້ສ້າງເປັນເຂດທົດລອງບຳລຸງບຸກຄະລາກອນດ້ານການຄຸ້ມຄອງເສດຖະກິດຂ້າມຊາດໃນ“ໂຄງການຄຸນນະພາບ”ທີ່ປະຕິບັດໂດຍ ກະຊວງສຶກສາທິການ ແລະ ກະຊວງການເງິນ ໃນປີ 2007, ໃນປີ2009,ຜົນສຳເລັດ ການປະຕິຮູບຮູບແບບການບຳລຸງສ້າງບຸກຄະລາກອນດ້ານການຄຸ້ມຄອງເສດຖະກິດຂ້າມຊາດຂອງຄະນະວິຊາ ໄດ້ “ລາງວັນທີ 1 ຂອງໝາກຜົນການສຶກສາຂອງນະຄອນຫຼວງປັກກິ່ງ”, ສູນສຶກສາ ທົດລອງວິຊາການຄຸ້ມຄອງເສດຖະກິດຖືກກຳນົດເປັນ “ສູນສາທິດສຶກສາທົດລອງລະດັບຊາດ”ໃນປີ 2012, ນອກນັ້ນ ມີສາສະດາຈານ 05 ທ່ານ ຂອງຄະນະວິຊາໄດ້ເຂົ້າໃນ “ແຜນສະໜັບສະໜຸນບຸກຄະລາກອນ ໃນສັດຕະວັດໃໝ່”ຂອງກະຊວງສຶກສາທິການ.
ຄະນະທຸລະກິດສາກົນປະຕິບັດຕາມຍຸດທະສາດດຳເນີນການສິດສອນແບບໂລກະພິວັດທີ່ວ່າ “ໜຶ່ງໂຕສອງປີກ”, ຖືການຮ່ວມມືກັບມະຫາວິທະຍາໄລຂອງບັນດາປະເທດເອີຣົບ ແລະ ອາເມລິກາ ເປັນພື້ນຖານ, ພະຍາຍາມເປີດກວ້າງສາຍພົວພັນກັບບັນດາມະຫາວິທະຍາໄລໃນປະເທດເສດຖະກິດຕະຫຼາດທີ່ຈະເລີນໃໝ່ ແລະ ປະເທດທີ່ເປັນຈຸດໝາຍປາຍທາງແຫ່ງການລົງທຶນຂອງຈີນ, ສົ່ງເສີມນັກສຶກສາປະລິນຍາຕີ ແລະ ໂທໃນແຜນໄປຮຽນຢູ່ຕ່າງປະເທດ ແລະ ອຳນວຍໂອກາດແລກປ່ຽນສາກົນໃຫ້ແກ່ນັກສຶກສາທັງໝົດ. ພ້ອມກັນນັ້ນ ຄະນະວິຊາມີສາຍພົວພັນອັນດີງາມ ກັບ ລັດຖະບານ ສປຈີນ, ວິສາຫະກິດ, ອົງການການເງິນ ແລະ ບໍລິສັດຂ້າມຊາດ.
ບໍ່ວ່າໃນດ້ານສຶກສາ ຄົ້ນຄວ້າ ຫຼືວ່າ ບໍລິການສັງຄົມ ມະໂນຄະຕິຂອງສະຖາບັນທຸລະກິດສາກົນ ທີ່ຢຶດໝັ້ນຢ່າງ ສະເໝີຕົ້ນສະເໝີປາຍແມ່ນ: ຊຸກຍູ້ເສດຖະກິດຂອງຈີນດ້ວຍສາຍຕາສາກົນ ຮ່ວມກັນປະດິດສ້າງທິດສະດີໃໝ່ ໃນການຄຸ້ມຄອງເສດຖະກິດດ້ວຍສາຍຕາສາກົນ ບຳລຸງສ້າງຜູ້ມີຄວາມຮູ້ຄວາມສາມາດດ້ວຍສາຕາສາກົນ ແລະ ສ້າງສາສະຖາບັນທຸລະກິດສາກົນ ທີ່ມີເອກະລັດພິເສດອັນຊັດແຈງ ຂອງມະຫາວິທະຍາໄລ ພາສາຕ່າງປະເທດ ປັກກິ່ງ ແລະ ສາມາດເສີມຂະຫຍາຍບົດບາດພິເສດ ໃນການພັດທະນາ ເສດຖະກິດຂອງຈີນ.