ຄະນະນິຕິສາດຂອງມະຫາວິທະຍາໄລພາສາຕ່າງປະເທດປັກກິ່ງ (BFSULAW) ແຕ່ກ່ອນແມ່ນພາກວິຊານິຕິສາດຂອງສະຖາບັນພາສາອັງກິດ, ເລີ່ມຮັບນັກສຶກສາໃນປີ 2001 ແລະ ສ້າງຕັ້ງຄະນະນິຕິສາດ ຢ່າງເປັນທາງການ ໃນປີ 2006. ປະຈຸບັນ ຄະນະວິຊາມີອາຈານຈໍານວນ 35 ທ່ານ ເຊິ່ງໃນນັ້ນມີລະດັບປະລິນຍາເອກຈໍານວນ 33 ທ່ານ ແລະ 32 ທ່ານມີປະສົບການຮຽນຢູ່ມະຫາວິທະຍາໄລຕ່າງປະເທດ, ມີນັກສຶກສາປະລິນຍາຕີຈໍານວນ 228 ຄົນ ປະລິນຍາໂທຈໍານວນ 105 ຄົນ ແລະ ນັກສຶກສາທີ່ຮຽນສອງວິຊາແບບຫຼາຍພາສາຈໍານວນ 78 ຄົນ, ມີສິດມອບໃບປະກາສະນີຍະບັດປະລິນຍາໂທວິຊາກົດໝາຍຂັ້ນໜຶ່ງ ແລະ ປະຈຸບັນສ່ວນຫຼາຍແມ່ນຮັບສະໝັກນັກສຶກສາໃນສາຂາວິຊາ:ກົດໝາຍການຄ້າສາກົນ, ກົດໝາຍສາກົນ, ກົດໝາຍລິຂະສິດທາງບັນຍາ, ກົດໝາຍການຄ້າແລະການແພ່ງ ແລະ ການຮ່ວມມືດ້ານຕຸລາການແລະການປະຕິບັດກົດໝາຍສາກົນ. ຄະນະບໍດີກິຕິມະສັກແມ່ນ ທ່ານ Luo Haocai ອະດີດຮອງປະທານສະພາປຶກສາການເມືອງແຫ່ງຊາດ ແລະ ທ່ານ Wan E’xiang ຮອງປະທານຄະນະປະຈຳສະພາຜູ້ແທນ ປະຊາຊົນແຫ່ງຊາດຈີນ,ອະດີດຮອງປະທານສານປະຊາຊົນສູງສຸດຈີນ ເປັນຫົວໜ້າສາສະດາຈານ.
ຫຼັກສູດຄະນະວິຊາ ລວມມີ ພາກກົດໝາຍ ສປຈີນ (ສອງພາສາ), ກົດໝາຍຂອງປະເທດອັງກິດ ແລະ ອາເມລິກາ (ພາສາອັງກິດ), ພາສາ ແລະ ວັດທະນະທຳ ຂອງປະເທດອັງກິດ ແລະ ອາເມລິກາ, ແລະ ທຸລະກິດ. ຜ່ານການຮຽນປະລິນຍາຕີເປັນເວລາ 04 ປີ ນັກສຶກສາສາມາດຮູ້ຈັກລະບົບກົດໝາຍຂອງຈີນ, ຮູ້ຈັກກົດໝາຍຂອງປະເທດອັງກິດ ແລະ ອາເມລິກາ ພ້ອມທັງສາມາດປະຕິບັດວຽກງານຕົວຈິງກ່ຽວກັບກົດໝາຍທຸລະກິດ.
ສະຖາບັນເຮົາມີສາຍພົວພັນການຮ່ວມມືຢ່າງສະໜິດແໜ້ນກັບ ບັນດາສະຖາບັນກົດໝາຍຂອງມະຫາວິທະຍາໄລທີ່ມີຊື່ສຽງຢູ່ຕ່າງປະເທດຄື: ສະຖາບັນກົດໝາຍຂອງມະຫາວິທະຍາໄລ Columbia, ສະຖາບັນ ກົດໝາຍຂອງ ມະຫາວິທະຍາໄລ New York, ສະຖາບັນກົດໝາຍຂອງ ມະຫາວິທະຍາໄລ Cornell, ສະຖາບັນກົດໝາຍຂອງມະຫາວິທະຍາໄລ Georgetown, ສະຖາບັນກົດໝາຍຂອງມະຫາວິທະຍາໄລ Pennsylvania, ສະຖາບັນກົດໝາຍຂອງ ມະຫາວິທະຍາໄລ Oxford Brookes, ຄະນະກົດໝາຍ ຂອງສະຖາບັນ ເສດຖະກິດ-ການເມືອງນະຄອນຫຼວງລອນດອນ, ສະຖາບັນກົດໝາຍຂອງມະຫາວິທະຍາໄລ Queensland ປະເທດອົດສະຕາລີ, ສະຖາບັນ ກົດໝາຍຂອງ ມະຫາວິທະຍາໄລ Melbourne, ສະຖາບັນກົດໝາຍຂອງມະຫາວິທະຍາໄລ NNew South Wales, ສະຖາບັນກົດໝາຍຂອງ ມະຫາວິທະຍາໄລ Bond,ສະຖາບັນກົດໝາຍຂອງມະຫາວິທະຍາໄລ Toledo ແລະອື່ນໆ ແລະການຮ່ວມມືມີຫຼາຍຮູບຫຼາຍແບບ ເຊິ່ງໄດ້ເປັນຜົນປະໂຫຍດໃຫ້ແກ່ບັນດາອາຈານ ແລະ ນັກສຶກສາທັງຫຼາຍຢູ່ໃນສະຖາບັນ.