21 اپریل کو، 2024 بیجنگ ہائر ایجوکیشن میلہ اور کیمپس اوپن ڈے بیجنگ فارن اسٹڈیز یونیورسٹی میں منعقد ہوا۔ اس تقریب میں کل 102 انرولمنٹ پالیسی کنسلٹیشن بوتھ تھے، اور دسیوں ہزار لوگ اسکول کا دورہ کرنے اور مشورہ کرنے آئے تھے۔ بیجنگ کے اندر اور باہر کی یونیورسٹیاں اور بیجنگ فارن اسٹڈیز یونیورسٹی کے متعلقہ کالجز  نے امیدواروں اور والدین کو 2024 کی داخلہ پالیسی متعارف کرانے کے لیے آمنے سامنے مشاورت کی خدمات فراہم کی  ہیں، اور  داخلہ کے منصوبوں، داخلہ کی پالیسیوں، پیشہ ورانہ تربیت، مزید تعلیم اور روزگار کے بارے میں سوالات کے جوابات دیے ہیں۔

80 سے زیادہ یونیورسٹیوں بشمول چھینگ ھوا یونیورسٹی، رینمن یونیورسٹی، فوڈان یونیورسٹی، اور ژی جیانگ یونیورسٹی  نے میلے میں حصہ لیا۔ اسی دن بی ایف ایس یو کے 18 انڈر گریجویٹ اسکول اور گریجویٹ اسکول نے بوتھ قائم کیے ۔ امیدواروں اور والدین کے لیے لائبریری، اسکول ہسٹری میوزیم، عالمی زبان کا عجائب گھر اور جمنازیم جیسے مختلف مقامات کھولے گئے۔