Jami’ar koyon harsunan waje ta Beijing tana arewa da zoben hanya ta uku a yankin Haidian da ke birnin Beijing, kuma an kafa sashi na gabas da na yamma a gefuna biyu na hanyar, kuma jami’ar tana karkashin shugabancin ma’aikatar kula da ilmi ta kasar Sin, kuma tana daya daga cikin jami’o’i dari da Sin za ta kokarta bunkasuwa tun daga  karni na 21, kuma tana daya daga cikin jami’o’in da ke da kyawawan fannoni masu fiffiko a cikin shirin raya kyawawan jami’o’in da Sin ta gabatar a watan Mayu na shekarar 1998, kana kuma tana daya daga cikin fitattun jami’o’in da Sin take bunkasuwa yanzu.

Jami’ar BFSU ita ce jami’ar koyon harsunan waje ta farko da jam’iyyar kwaminis ta Sin ta kafa, kuma da ma, ita ce, sashin kungiyar koyon Rashanci na uku na jami’ar koyon ilmin soji da siyasa don yaki da milkin mallaka na Japan ta kasar Sin, wadda aka kafa a shekarar 1941, sannan kuma an bunkasa ta har ta zama makarantar koyon harsunan waje ta Yan’an, kuma lokacin da aka kafa ta, tana karkashin shugabancin kwamitin tsakiya na jam’iyyar kwaminis ta kasar Sin. Bayan da aka kafa sabuwar kasar Sin, ma’aikatar kula da harkokin waje ta fara shugabantar makarantar, a shekarar 1954, an canja sunanta zuwa kwalejin koyon harsunan waje na Beijing, a shekarar 1959 ne, aka hada ta da kwalejin koyon Rashanci na Beijing don ya zama sabon kwalejin koyon harsunan waje na Beijing. Bayan shekarar 1980, ma’aikatar kula da ilmi ta Sin ta fara shugabantarta kai tsaye, a shekarar 1994, an canja sunanta zuwa jami’ar koyon harsunan wajen Sin.

An amince da BFSU da ta bude harsunan waje 101, inda kungiyar harsunan Turai da ta Asiya da ta Afrika sun kasance sansanonin nazarin harsunan da ba safai da aka yi amfani da su mafi girma a kasar Sin, kuma sun kasance fannonin karatu na musamman da ma’aikatar ilmi ta amince da su karo na farko. Yanzu, a hannu daya, BFSU ta kokarta raya fannonin karatu na koyon harsunan waje da adabinsu, a hannu dayan kuma, aka daidaita bunkasuwar sauran fannoni kamar adabi da dokoki, da tattalin arziki da harkokin gudanar da ayyuka da sauransu. Tun daga farko zuwa yanzu, an fara bude Rashanci, Turanci, Faransanci, Jamusanci, da harshen Spain, da na Poland, da na Czech, da harshen Romaniya, da Japananci, Larabci, da harshen Cambodiya, da na Laos, da harshen Sinhalese, da harshen Malaysiya, da na Sweden, da na Portugal, da na Hungary, da na Albaniya, da na Bulgariya, da harshen Swahili da na Burma, da harshen Indonesiya, da na Italiya, da na Croatiya, da na Serbiya, da harshen Hausa, da na Viemnam, da harshen Thailand, da na Turkiya da na Koriya, da na Slovakiya, da na Finland, da na Ukraine, da na Holland, da na Norway, da na Iceland, da na Danmark, da na Girka, da na Philippines da harshen Hindu, da Urdu, da Hebrew, da Persian, da harshen Sloveniya, da na Estoniya, da na Latviya da na Lithuaniya da harshen Irish, da na Malta da na Bangladesh, da harshen Kazak da Uzbek, Latin, Zulu, da Kyrgyz da Pushutu, da Sanskrit, da Pali da Amharic, da Nepal, da Somali, da Tamil, da Turkmen, da Catala da Yoruba, da harshen Mongoliya, da na Armeniya, da Malagasy, da harshen Georgia, da na Azerbaijan, da Afrikaans, da Macedonian da Tajik, da Setswana da Ndebele da Comorian, da Creole, da Shona, da Tigrinya, da Belarusian, da Maori, da Tangan, da Samoan, da Kurdish, da Bislama, da Dari, da Tetum, da Dhivehi, da Fijian, da Cook Islands Maori, da Kirundi, da Luxembourgish, da Kinyarwanda, da Niuean, da Tok Pisin, da Chewa, da Sesotho, da Sango, da Tamazight, da Javanese, da kuma Punjabi

Yanzu, akwai sassan koyarwa da nazari 33 a jami’a, a cikin ‘yan shekarun nan, jami’ar BFSU ta kafa kwalejin nazarin kasa da kasa da jami’ar Nottingham ta Birtaniya, kuma bi da bi ne, ta kafa kwalejin nazarin harsuna na Xu Guozhang da kwalejin nazarin adabin kasar waje na Wang Zuoliang, da kwalejin nazarin daidaita batutuwan shiyya-shiyya da na duniya, da kwalejin nazarin mu’amalar al’adu da kwatanta wayewar kai, da sauran hukumomin nazari da ke da halayyen musamman. BFSU tana karfafa tsarin yin gyare-gyare game da horar da dalibai, kuma ta kafa kwalejin BFSU, da kwalejin nazarin kungiyoyin kasa da kasa, da kwalejin nazarin ilmin kasa da kasa. A karkashin tsohon kwalejin nazarin nahiyar Asiya da ta Afrika, an kafa kwalejin nazarin Asiya, da kwalejin nazarin Afrika. Yanzu, jami’ar tana da muhimman sansanonin nazarin ilmin mutane da al’adu da zamantakewar al’umma na ma’aikatar ilmi ta kasar Sin, kamar cibiyar nazarin harsunan waje da koyarwa ta kasar Sin, da cibiyar nazarin harsunan kasar, da cibiyar nazari da raya harsunan kasar. Kana tana da sansanoni 4 na horaswa da nazarin shiyya-shiyya da kasashe na ma’aikatar harkokin ilmin Sin, wato cibiyar nazarin yankin tsakiya da gabashin Turai, da cibiyar nazarin Japan, da cibiyar nazarin Ingila, da cibiyar nazarin Canada, da ma ragowar cibiyoyi 37 na nazarin shiyya-shiyya da kasashe da ma’aikatar kula da ilmi ta amince da su. Haka kuma, tana da cibiyoyi 3 na nazarin musayar mutane da al’adu na ma’aikatar kula da ilmi ta kasar wato cibiyar nazarin musayar al’adu da mutane tsakanin kasashen Sin da Indonesiya, da cibiyar nazarin musanyar al’adu da mutane tsakanin Sin da Faransa, da cibiyar nazarin musayar al’adu da ke tsakanin Sin da Jamus. Dadin dadawa kuma, jami’ar ta buga mujalloli guda 4 na CSSCI wato mujallar nazari da koyar da harsunan kasashen waje, da mujallar nazarin adabin kasashen waje, da mujallar dandalin kasashen duniya, da mujjalar nazarin Sinanci a kasashen waje, kuma tana da mujallar nazarin ilmin da ke kan gaba game da koyar da harsunan waje, wadda ta kasance daya daga cikin mujallolin da za su zama na CSSCI. Haka kuma, ta buga mujallar koyar da Rashanci a Sin, da mujallar ilmin nazarin harsuna don mu’amala na Sin da harshen Turanci, da mujallar ilmin koyar da Sinanci a duniya, da mujallar koyon Turanci, da mujallar nazarin mutane da al’adu ta Jamus, da mujallar nazarin kasashe da shiyya-shiyya dake amfani da harshen Faransanci, da mujallar nazarin bunkasuwar shiyya-shiyya da duniya. Haka kuma, jami’ar tana da sansanin buga littatafai da fitar da faifan bidiyo da na’urorin harsunan waje mafi girma a kasar Sin, wato kamfanin kula da harkokin buga littatafan dake shafar koyarwa da nazarin harsunan waje.

   BFSU ta bude fannonin karatu don neman digiri na farko 121, kuma fannonin karatu 44 sun kasance fannin karatu daya tak a kasar Sin. BFSU tana da muhimman fannonin karatu na kasar Sin guda 4, kuma tana da muhimman fannonin karatu na birnin Beijing guda 7. Jami’ar tana da ikon danka iznin digiri na uku a fannoni guda 2 wato fannin karatu na nazarin harsunan waje da adabinsu da fannin karatu na nazarin ilmin kimiyya da tafiyar da harkoki da gine-gine, kuma tana da ikon danka iznin digiri na biyu na nazari a fannoni guda 11, wato ilmin dokoki, da ilmin siyasa, da ilmin nazarin tunanin akidar Marxism, da ilmin tattalin arziki, da adabin Sinanci, da ilmin harsunan waje da adabinsu, da ilmin yada labaru da ilmin kimiyya da tafiyar da harkoki da gine-gine da ilmin tafiyar da kasuwanci da masana’antu, da ilmin koyarwa, da ilmin tarihin duniya, kuma tana da ikon danka iznin digiri na biyu a wajen fannoni hada-hadar kudi, da kasuwancin duniya, da koyar da Sinanci a kasashen waje, da fassara, da labaru da yada labaru, da dokoki, da akanta, da tafiyar da harkokin kasuwanci da masana’antu, ke nan BFSU ta kunshi fannonin karatu guda 6 na adabi, da tattalin arziki, da tafiyar da harkokin kasuwanci, da dokoki, da koyarwa da tarihi. A sakamakon tantance fannonin karatu na zagaye na 4 da kasar Sin ta yi a shekarar 2017, BFSU ta samu maki A+ a cikin fannin karatu na harsunan waje da adabinsu, kuma ta dau matsayin gaba a ciki. A shekarar 2018, bisa sakamakon tantance jerin fannonin karatu na duk jami’o’in duniya na QS, an ce, fannonin karatu na harsuna da harsuna na zamani na BFSU sun dau matsayi na farko 100 a duk duniya, kuma tana gaba da sauran ragowar jami’o’in harsunan waje a kasar Sin. Yanzu, akwai dalibai masu neman digiri na farko 5600, da masu neman digirgiri 3100, kana akwai daliban kasashen waje 1600 da ke karatu a BFSU.

   Jami’ar BFSU ta dora muhimmanci sosai game da kirkiro da sabon tsari wajen daukar kwararru, don daukaka ingancin kwarewar malamai ta jami’ar, yanzu akwai malamai sama da 1200 a jami’ar, kana, malamai kimanin 200 da suka fito daga kasashe da yankuna 60 su ma suna aiki a nan. Ban da wannan kuma, jami’ar tana da kwararru matasa da ke ba da gudummawa sosai ga kasar, da kwararrun da ke kunshe cikin shirin raya kwararru 10000 a fannin zamantakewar al’umma da ra’ayin ilmin fahimtar duniya na kasar Sin, da kwararrun wadanda ke kunshe ciki shahararrun malamai 10000 a kasar Sin, da fitattun furfesa, da sauran kwararru da masana dai dai makamantansu. Kashi 90 cikin 100 na malamai sun taba dalibta a kasashen waje. Kungiyar malamai ta cibiyar nazarin koyarwa harsunan waje ta Sin ta taba samun lambar yabo ta fitacciyar kungiyar malamai ta Huang Danian a kasar Sin.

   BFSU ta nace kan raya jami’a da hadin gwiwa da fitattun jami’o’in kasashen waje, tana mu’amala da hadin gwiwa da jami’o’i da hukumomin nazari 313 da ke kasashe da yankuna 91 a duniya, kuma ta kulla dangantakar hadin gwiwa da jami’ar Nottingham da kwalejin nazarin Asiya da Afrika na jami’ar London na Birtaniya, da kwalejin nazarin harsuna da al’adu na gabashin kasashen duniya na Faransa wato INALCO, da jami’ar koyon harsuna ta jihar Moscow ta kasar Rasha, da jami’ar Göttingen ta Jamus, da jami’ar Rome ta Italiya, da jami’ar Eötvös Loránd ta Hungary, da jami’ar Jagiellonian ta Poland da dai sauransu. Ban da wannan kuma, BFSU ta dauki nauyin shirya kwalejojin Confucius 23 a kasashen Asiya da Turai da Amurka. Wadannan kwalejojin Confucius sun hada da kwalejin Confucius na jami’ar Nürnberg-Erlangen ta Jamus, da kwalejin Confucius Brussels na kasar Belgium da kwalejin Confucius dake birnin Vienna na kasar Austria da kwalejin Confucoius da ke jami’ar Rome ta kasar Italiya, da kwalejin Confucius na Krakow a kasar Poland da kwalejin Confucius na Liege a kasar Belgium, da kwalejin Confucius dake Düesseldorf a kasar Jamus, da kwalejin Confucius na Eötvös Loránd a kasar Hungary da kwalejin Confucius na Sofia a kasar Bulgaria, da kwalejin Confucius dake jami’ar Palacky ta jamhuriyar kasar Czech, da kwalejin Confucius na Munich da ke kasar Jamus, da kwalejin Confucius na jami’ar Malaya da ke kasar Malaysia da kwalejin Confucius da ke jami’ar Hankuk ta jamhuriyar kasar Koriya ta Kudu, da kwalejin Confucius na Barcelona dake kasar Spain, da kwalejin Confucius na jami’ar koyon harsuna ta jihar Moscow ta kasar Rasha, da kwalejin Confucius na jami’ar da ke Hadaddiyar Daular Larabawa, da kwalejin Confucius na jami’ar London ta Birtaniya, da kwalejin Confucius na jami’ar Tirana dake kasar Albaniya, da kwalejin Confucius na jami’ar Göttingen ta kasar Jamus, da kwalejin Confucius na jami’ar Oxford Brooks ta Birtaniya, da kwalejin Confucius na jami’ar Colombo dake kasar Sri Lanka, da kwalejin Confucius na ESCP Europe dake kasar Faransa da kwalejin Confucius dake makarantar Maryknoll a kasar Amurka.

   A laburare na BFSU, akwai littatafan Sinanci da na harsunan waje da yawansu ya kai kimanin miliyan 1.45, yayin da yawan littattafan da aka samu a Internet ya wuce miliyan 2.22, kana tana da mujalloli kimanin 1123, da matattarun bayanai na Sinanci da harsunan waje 97, ke nan, an kafa wani tsarin adanan littattafan siyasa da dokoki, da diflomasiyya da tattalin arziki da labaru, da tafiyar da harkokin kasuwanci. Ban da wannan kuma, jami’ar tana kokarta raya harkokin sadarwa, don kafa wani tsarin sadarwa na bayyane, na zamani da ke iya kirkiro da sabbin tunani, kuma ta samu muhimman sakamako kamar shafin Internet na harsunan waje da yawa, da shafin Internet na BFSU Digital da dandalin manhajar kididdiga da dai sauransu. Ban da wannan kuma, an fara gudanar da shafunan Internet na harsunan waje da yawa a shekarar 2015, kuma an yi amfani da harsunan waje 50 don raya shi. A shekarar 2018, ma’aikatar kula da ilmi ta amince da amfani da injunan zamani don taimakawar jami’ar wajen raya kungiyar malamai.

   A cikin dogon lokaci na gudanar da harkokin koyarwa, bisa bukatun samun bunkasuwa bisa manyan tsare-tsare na kasar Sin, BFSU ta zama wani muhimmin sansanin horar da fitattun kwararru game da fannonin diflomasiyya da fassara da ilmi da tattalin arziki da cinikayya da labaru da dokoki da hada-hadar kudi, bisa akidarta ta koyar da dalibai masu kwarewa kan harsunan waje da ke da masaniya kan fannoni da yawa. Daliban da suka kammala karatu daga BFSU sun bazu a ko ina a gida da waje, kuma suna sana’o’in daban daban da samun ci gaba a ko wane fanni, sun zama muhimman ginshikan kasashen duniya. Bisa kidayar da aka samu, an ce, a cikin daliban da suka kammala karatu a BFSU, akwai dalibai sama da 400 sun zama jakadu, yayin da yawan daliban da suka zama kansula ya wuce 2000, sabo da haka, aka lakaba wa BFSU da sunan sansanin horar da jami’an diflomasiyya na Sin.

   Yanzu, jami’ar BFSU tana gudanar da tunanin Xi Jinping don raya zamantakewar al’umma da ke da halayyen musamman na zamanin yanzu na kasar Sin, kuma tana bin akidar taron jam’iyyar kwaminis ta kasar Sin karo na 19, don rike da al’adun gargajiya da ci gaba da bidar gaskiya, don sa kaimi ga raya jami’ar yadda ya kamata kuma cikin sauri, ta hakan za a iya horar da daliban da kasar take bukata, wadanda ke da ilmi sosai da sanin harsunan waje da yawa da duniya take bukata, kuma ta hakan dalibai za su iya sauke nauyin bisa wuyansu game da raya zamatakewar al’umma da kirkiro da sabbin abubuwa, da kuma la’akari da tunanin kasar Sin, kana za su iya lekan kasashen duniya, da yi waswasi da yi musayar al’adu tsakanin kasar Sin da kasashen duniya. BFSU za ta gaggauta raya jami’ar, don ta zama fitacciyar jami’ar harsunan waje da ke kan gaba a duniya kuma wadda ke da halayye musamman na kasar Sin.